Säämi |

Kuldâl jienâ: Kielâmiäštárij kuuvl iä anarâškielâ lohheeh peesâ, tom sajan poođij kielâiäláskittem kurssâ

Taat lii jo nubbe ihe ko Säämi máttááskuávdáá anarâškielâ lohheeh smiettih kielâiäláskittem koonstâid.

Heli Sarre
Heli Sarre peesâi oopâi uđđâ aašijd kielâiäláskittemist, ko kielâmiäštár peeivij sajeest lâi-uv kielâiäláskittem kurssâ. Govva: Anja Kaarret / Yle

Säämi máttááskuávdáá anarâškielâ lohhein koolgâi leđe taan ohhoost kielâmiäštárokko, mut koronatile tiet tom iä pastam olášuttiđ, sajan keksejii kielâiäláskittem kuursâ.

Avveellâš Heli Sarre oopâi maŋgâ uđđâ ääši kielâiäláskitmist já peesâi porgâđ kielâiäláskittem haavâ oovdâs eres uáppeikin. Taat kurssâ movtáskittij suu jiejâs meid iäláskittiđ kielâ.

– Taat ij lah innig nuuvt omâs äšši munjin já jieš-uv puávtáččij kuittâg sárnuđ eenâb anarâškielâ, arvâl Sarre.

Annika Pasanen lii taan ohhoost opâttâm anarâškielâ uáppeid kielâiäláskittem. Taat lii uđđâ äšši oppâvuáváámist. Pasanen lii jo kuhháá čuávvum kielâiäláskittem já jottáám pirrâ maailm sárnumin kielâpiervâlijn já meid suu náguskirje kietâdâl kielâiäláskittem. Taan ohhoost pottii uáppein uđđâ jurduuh maht anarâškielâ puávtáččij iäláskittiđ.

– Lâi taggaar anarâškielâlâš podcast, já maŋgâ suhápoolvâ oovdâst, nuoráid speelah já kuoro anarâškielân, muštâl Pasanen.

Kuldâl tast Annika Pasasen jurduid kielâiäláskittem kuursâst, maid sun jođettij anarâškielâ uáppeid taan ohhoost.

Kuldâl tast, maht Heli Sarrest moonâi kielâiäláskittem kurssâ.

Tääbbin kuulah lase Anarâš saavâid.

Varrasamosat: Säämi

Váldoođđasat

Varrasamosat

Muualla Yle.fi:ssä