Säämi |

Kuldâl jienâ: Kielâtotkee Annika Pasanen Säämi ollâškoovlâ uđđâ professorin – sun ana pargo pyereeb máhđulâšvuotân ovdediđ sämikielâi iäláskittem

Pasanen ij haalijd vuáijuđ tuše ollâopâttâhtutkâmušân.

Filosofian tohtori kielentutkija Annika Pasanen
Annika Pasanen aalgât Säämi ollâškoovlâ professor virgeest 1.1.2021. Govva: Priivaat

Säämi ollâškoovlâ stivrâ lii nomâttâm filosofia tuáhtár Annika Pasanen säämi sosiolingvistiik professor viirgán. Pasanen lii tobdos anarâš siärvusist ovdâmerkkân tutkâmfáddáin anarâškielâ iäláskitmist.

Pasanen lii jo kuhháá porgâm Helsig ollâopâttuvvâst totken, mut sun osko, et uđđâ pargo keežild sunjin šadda eenâb máhđulâžžân vaiguttiđ kielâiäláskitmân.

– Lam ain halijdâm sehe tutkâđ já vaiguttiđ aašijd tiätu náál. Jiem lah kuássin halijdâm vuáijuđ tuše peri akateemlâš maailmân já ollâopâttâhtutkâmušân. Tien tááhust Säämi ollâškovlâ heivee munjin hirmâd pyereest já tuáivui mield mun meiddei šoodâm heiviđ pyereest Säämi ollâškoovlân, Pasanen muštâl.

Annika Pasanen aalgât Säämi ollâškoovlâ professor virgeest 1.1.2021.

Kielâtotkee Annika Pasanen muštâl tobdoidis suu uđđâ professorvirgeest Säämi ollâškoovlâst. Jietna: Jienâ: Mikkâl Morottaja / Yle

Varrasamosat: Säämi

Váldoođđasat

Varrasamosat

Muualla Yle.fi:ssä