Säämi |

Kuldâl jienâ: Neeta Jääskö iävtuttij Säämi kietâtyeje Egenland-ohjelmân – tääl uđđâ pyevtittempaajeest kolliistâlleh Säämist

Egenland lii Yle televisio-ohjelm, mast uápásmuveh, iä nuuvt tobdos paihijd pirrâ Suomâ.

Neeta Jääskö
Neeta Jääskö lâi jo vájáldittám, et sun lâi iävtuttâm idea Egenland-ohjelmân. Govva: Xia Torikka / Yle Sápmi

Kuldâl tast Neeta Jääskö sahhiittâllâm. Ain kannat iävtuttiđ ideaid, kiinii toid kuásnii kostnii kávná.

Yle Egenland-ohjelm niäljád pyevtittempaajest uáinoo Säämi kietâtyeji já idea hoksái Neeta Jääskö.

Egenland lii Yle ohjelmráiđu, mast čäittih paaihijd, maid máđháliih-uv puávtáččii eelliđ keččâmijn. Taah pääihih iä lah nuuvtkin almolávt tobdos sajeh. Puoh taah láá uáinimist Yle Areenast.

Aanaarlâš, tääl Oulust ässee Neeta Jääskö iävtuttij maŋgâ ive talle jo Säämi kietâtyeje Egenland-ohjelmân. Sun ij jieškin mušte, maht taat almottem talle tohon moonâi. Taat tábáhtui rááiđu vuosmuu paje almostume ääigi já sun lâi jo vájáldittám ubâ homá. Ohjelm rähteeh valdii ohtâvuođâ Jääskön moonnâm keesi já pottii tavas.

– Ain kannat iävtuttiđ, vuolgâttiđ já pieijâđ saavâ, kiinii tom kávná kostnii já hoksáá, et taathân lii šiev juurdâ. Iä toh puoh saavah lappuu, muštâl Jääskö.

Jyehi almostum paajeest lii meid tääbbin tavveen mottoom päikki mieldi. Sämityeje lasseen taan paajeest láá mieldi Ucjuv äigipäälgisKaabi Jovna päikki.

Lase Anarâš saavâid kuulah tääbbin.

Varrasamosat: Säämi

Váldoođđasat

Varrasamosat

Muualla Yle.fi:ssä