Sápmi |

Kuldâl jienâ: Säämi kielâlávgu puohháid! -uápuh älgih sämikielâi oho kunnen

Uápui ulmen lii movtijdittiđ párnáid sämikielâid lavlui, sierâi já speelâi peht.

Saamen kielten etäopetus hankkeen projektipäällikkö Hanna Helander
Sämikielâi káidusmáttááttâs haavâ proojeekthovdâ Hanna Helander muštâl, et taan tove sist lii máttááttâsmetodin kielâlávgu. Govva: Mikkâl Morottaja / Yle

Sämikielâi káidusmáttááttâs piiloothaahâ uárnee oovtâst Säämi máttááttâskuávdáin Säämi kielâlávgu puohháid! -uápuh sämikielâi oho kunnen 20.–22.10. Tiijmeh láá ohtsis kulmâ, ohtâ puohâin Suomâ pele sämikielâin: nuorttâlâš-, anarâš- já orjâlâškielâin.

Oppâtiijmeh láá uáivildum sierâ ahasijd já jyehi oppâtijmeest vuájuh tiätu fáádán. Uáppei lasseen tiijmijd uážžu servâđ puoh sämikielâin perustum ulmuuh.

Haahâ proojeekthovdâ Hanna Helander muštâl, et sij láá tijmá máttááttâm sämikielâ suomâkielâ peht, mut taan ive sist lii metodin kielâlávgu.

– Máttáátteijeeh sárnuh tiijmijn tuše sämikielâ. Kenski muáddi sääni suomâkielâ puátá meiddei, mut iänááš lii sämikielâ. Váhá sárnum já sierâdem peht máttááttâllâp sämikielâ, iätá Helander.

Proojeekthovdâ Hanna Helander muštâl ávus káidusmáttááttâsâst. Jietna: Mikkal Morottaja / Yle

Káidusmáttááttâs tábáhtuvá Microsoft Teams -ohjelm peht já päddejum oppâtiijmijd puáhtá čuávvuđ meid maŋeláá čujottâsâst saamenetaopetus.com/tapahtumia.

Varrasamosat: Sápmi

Váldoođđasat

Varrasamosat

Muualla Yle.fi:ssä