Säämi |

Kuldâl jienâ: Sämimuseo Siida kuobžâ, ketki, kuáskim já eres elleeh kärttih ráájun reemoont tiet

Sämimuseo Siida lii tääl kiddâ, olgomuseo já puurrâmpäikki Sarrit lekkâs kesimáánu vuosmuu peeivi já lii talle áávust jyehi peivi ubâ keesi. Huksimpargoh láá lopâlávt valmâšeh kiđđuv 2022.

EIja Ojanlatva já Kirsi Ukkonen
Kirsi Ukkonen čáittá kuáskim, mon sättih tivodiđ jeđe pieijih ráájun. Paaldâst arkeolog Eija Ojanlatva. Govva: Anja Kaarret / Yle

Anarist Sämimuseo Siidast láá huksimpargoh jođos já taan ohhoost purgánii vuáđučáitálduv. Siida lekkâs kesimáánu aalgâst, mut talle lii áávus tuše olgomuseo.

Sämimuseo já Meccihaldâttâs luándukuávdáá ohtsâš čáitáldâh lekkâs 1.4.2022. Siida Arkeolog Eija Ojanlatva illood, ko peesih uđđâ sajan, mut ahheev lai purgâđ uápis puáris čáitálduv.

– Tot lâi váhá ahevis tobdo, muta kuittâg mijhan lep suunnâttâllâm jo uđđâ čáitálduv já tondiet tot ij lah tuše soro, mut lii ilo meiddei, Ojanlatva iätá.

Pargei lii vaigâd ettâđ, mii lii puoh rákkásumos täävir sämimuseost.

– Nordiska museet rumbu, tot lai uáli tehálaš munjin, já meiddei tot peljikuáti lâi taggaar. Muu mielâst tot lii tot ubâlâšvuotâ, ete ij pyevti iäruttiđ nuuvt tárkká, ete mii lii rákkásumos, Ojanlatva iätá.

Puoh museotävireh láá tääl jo čuákkejum. Motomeh tävireh cuovkkânii, mutâ uáli pyereest pargoh láá luhostum.

Meiddei luándukuávdáá tevdum elleid tego kuobžâ, keeđhi, luudijd já puoh tivodeh, jis toh láá killám iivij mield. Taid piejih ráájun vyerdiđ reemoont valmâštum.

– Talle jis miinii puuzâid teikâ uuvjâid lii váhá hyenes saajeest, te tot ellee tevdee puáhtá taid váhá tivvoođ, Kirsi Ukkonen Meccihaldâttâs luándukuávdáást muštâl.

Varrasamosat: Säämi

Váldoođđasat

Varrasamosat

Muualla Yle.fi:ssä