Säämi |

Kuldâl jienâ: Servikodde ornij Harry Potter -teemâsij leeirâ Anarist – Elle Kumpunen monâččij toho uđđâsist, veikkâ enni já eeči kiäldáččáin

Aanaar servikodde lii ornim jo kyehti pivnohis Vijsásij keeđgi -leeirâ vyelitääsiahâsijd. Párnááh láá uápásmum Harry Potter kirje- já elleekoverááiđun vanhimij peht. Leeirâst párnááh peesih sierâdiđ, käidiđ já mälistiđ tijdâliemâ.

Video: Elle Kumpunen, Enni Talvitie ja Neea Kumpunen taikasauvojen kanssa.
Aanaar servikodde lii ornim vyelitääsiahâsijd Vijsásij keeđgi-leeirâ.

Párnááh huikkeh já leggistâlleh tijdâid sii uđđâ tijdâsoobijn Äijihjäävri riddoost. Párnááh ilodeh korrâ jienáin, iäge piso oovtâ saajeest kuhháá.

Aanaar servikodde lii ornim Vijsásij keeđgi-leeirâ vyelitääsiahâsijd. Leirâ lii pegâlmâs Harry Potter fantasiakirje- já elleekoverááiđu teemasâš. Tobbeen puđaldeh puohlágán aašijd Harry Potter teemâin.

Ubâ Suomâst kesileeirah láá tievâ párnáid, nuuvt ete puohah iä ubâ šiedâ fáárun. Servikode nuorâipargee Viivi Törmänen maainâst, ete leeirân láá uuccâm ennuv párnááh já taat ij lamaš ubâ vuosmuš kerdi, ko leirâ uárnejuvvoo.

– Vuosmuš leirâ lâi nuuvt pivnohis, te koijâdijm, ete pyehteen-uv orniđ nube leeirâ, vâi puoh párnááh peesih fáárun, muštâl Törmänen.

Leirâ lii nuuvt suotâs, ete Elle Kumpunen monâččij uđđâsist, jis puáđáččij uđđâ tággáár leirâ.

– Monâččim uđđâsist veikkâ enni já eeči eđâččáin maid, Kumpunen povvust.

Kumpunen lii perustum Harry Potterist, ko ennijn luuvâi kiirjijd eehidmainâsin. Talle sun kuldâlškuođij kiirjijd já keejâi elleekuuvijd. Jis kirjeh liččii sämikielân, te sun halijdiččij vissâsávt kuldâliđ taid.

– Mun lam sämikielâlâš já lijkkuum sämikielân. Jis tot puáđáččij sämikielân, te tot ličij hirmâd suotâs muu mielâst, illood Kumpunen.

Maggaar leirâ lii lamaš? Neea Lehtinen, Enni Talvitie já Elle Kumpunen muštaleh. Jietna: Sáárákáisá Seurujärvi / Yle

Varrasamosat: Säämi

Váldoođđasat

Varrasamosat

Muualla Yle.fi:ssä