Sápmi

Kuldâl jienâ: Uđđâ muusik nuorttâlâškielân – Heidi Gauriloff máttááttâlâi nuorttâlâškielâ já tääl sust almostuvá skiärru

Oocci
Govva: Mari Korpimäki

Onne 22. peeivi kesimáánu almostuvá Spotifyst já iTunesist U'lljan & Saauj Cool Band vuossâmuš muusikalbum.

Heidi Gauriloff meridij suullân čiččâm ihheed tassaaš, ete tállán ko sun lii máttááttâllâm nuorttâlâškielâ, sun ráhtá muusik. Gauriloff máttááttâlâi ive 2013 nuorttâlâškielâ já čaalij vuossâmuid pittáid ihepeeli kielâoppâm maŋa. Vuossâmuš muusikpittá mon sun čaalij lâi Oocci, mii lii fáárust albumist já lii meid suu vuossâmuu album nommâ.

– Skiäru rähtim lii lamaš kukke, mielâkiddiivâš, maaŋgâpiälálâš pargo, mii lii adelâm ennuv munjin, sun muštâl.

Skiärru ovdâstit nuorttâlij ärbivuáválâš muusik sehe rock- já blues muusik. Leudd lii fáárust tuše oovtâ muusikpittáást. Gauriloff kuittâg muštâl, ete pitáin puáhtá kuullâđ siämmáálágán muštâlem já fáádáid ko leuddiin. Heidi Gauriloff lii jieš ráhtám puoh pittáid oovtâst Niki RasmusijnIvor Vainolain.

– Lam čáállám jieš stuárráámuu uási pitáin já lamaš fáárust meid nuottimpargoost, sun muštâl.

Oocci
Govva: Mari Korpimäki

Gauriloff lii kuhháá porgâm skiärroin, mutâ lii siämmást vuáijum meid nube muusikprojektân. Uđđâ album lii-uv puátimin kenski jo puáttee ive.

– Tuáivuimield puáttee ive puátá jo nubbe album, mast lii eenâb ärbivuáválâš leudd, sun iätá.

Heidi Gauriloff muštâl Oocci-nommâsâš skiärust.

Varrasamosat

Muualla Yle.fi:ssä