Säämi |

"Kuobžâ já mun" já Heli Huovinen láá peessâm Toronton, maailm stuárráámui algâaalmugfilmâfestivaalijd

"Kuobžâ já mun" lii vuosmuš anarâš filmâ, mii lii peessâm olgoenâmijd.

karhu
Heli Huovisen sárgum kuobžâ, animaatiost “Kuobžâ já mun”. Govva: Heli Huovinen / Yle

Heli Huovisen rähtim animaatio “Kuobžâ ja mun” peesâi Toronton algâaalmugij filmâ- já mediafestivaalijd.

Filma šoodâi, ko Huovinen lâi ihe talle Säämi máttááttâskuávdáá medialinjá animaatiokuursâst. Stuárráámuu uási sun lii jieš ráhtám taan fiilmâst. Iššeen láá lam máttááttijjee Antti Laakso, Marko Jouste, Mikkal Morottaja, Erkki FeodoroffAnne Seipiharju.

– Mun lam čáállám tiivtâ, sárgum kuuvijd já ráhtám animaatio, jurgâlâm eŋgâlâškielân já lam jiennân, mut hirmâd ennuv lam uážžum iše, kijttá Huovinen.

Heli Huovinen Unna Junná
“Kuobžâ já mun” animaatio rähtee Heli Huovinen pennuinis Surrijn. Govva: Ritva Torikka / Yle

Heli Huovinen vuolgâttij jieš taan fiilmâ Toronton. Tiätu tast, et fiilmâ láá tuhhiittâm tohon poođij jo algâčoovčâ. Lii stuorrâ äšši et anarâškielâlâš filma piäsá tieggáár tábáhtumán.

– Taat lii aaibâs oskomettum, et filmâ lii peessâm tohon. Livđe, anarâškielâ já kulttuur peeleest lam hirmâd moovtâ já et val jieš peesâm tohon, illood Huovinen.

Kuobžâ já mun-filmâ lii oinum taan ive Skammâkuuvijn. Uáinoo tääl tobbeen Torontost já tuoivân ličij, et taat čáittuuččij val veik anarâšehidist motomin.

Kuldâl Heli Huovisen sahhiittâllâm tast.

Toronto filma festivaal älgih onne

Maailm stuárráámus algâaalmugfilmâ- já mediafestivaal ImagiNATIVE álgá onne Canadast, pištá taan máánu 27. peivi räi. Festivaalân servih meiddei eres säämi filmâtahheeh.

Fáárust láá Heli Huovisii Kuobžâ já mun-animaatio lasseen eereeb iärrás Elle Sofe Sara kuovttijn uánihisfilmáin Giitu giitu Ribadit, Elle Márjá Eira já Mai-Lis Eira filmáin Saamijn láá rievtih. ImagineNATIVE-filmâfestivaalist čäittih fiilmâi paijeel čyeti algâaalmugkuávlust.

Varrasamosat: Säämi

Váldoođđasat

Varrasamosat

Muualla Yle.fi:ssä