Sápmi |

Kuvddal jiõnn: Čeʹvetjääuʹrest puäʒʒ lie käʹrjstam jaammʼji ruõkkâmsââʹjj äidd pâʹjjel kuäivvad jeeʹel ääuʹdi âʹlnn

Lappi ortodoksla sieʹbrkåʹdd da Njauddâm paalǥâskåʹdd lie suåppâm, što ruõkkâmsââʹjj čiisteed ko muõtt lij suddam.

Porot Sevettijärven hautausmaalla
Puõccuid Čeʹvetjäuʹrr jaammʼji ruõkkâmsââʹjest. Govva: Lappi ortodoksla sieʹbrkåʹdd

Čeʹvetjäuʹrr siidâst lij nuʹtt jiânnai muõtt, što puäʒʒ lie käʹrjstam jaammʼji ruõkkâmsââʹjj äidd pâʹjjel kuäivvad jeeʹel ääuʹdi âʹlnn.

Njauddâm paalǥâskåʹdd puäʒʒeeʹžžed Tapio Kiviniemi mieʹldd tät tälvv iʹlla oʹdinakai, ouddâl lie še puäʒʒ muõtt mieʹldd käʹrjstam jaammʼji ruõkkâmsââʹjje da sij lie ehdtem Lappi ortodoksla sieʹbrkåʹdde što pââʹjde äidd, leša sij jie leäkku välddam tän lokku.

Kuvddal Njauddâm paalǥâskåʹdd puäʒʒeeʹžžed Tapio Kiviniemi mainnâz täʹstt. Jietna: Erkki Gauriloff / Yle

Lappi ortodoksla sieʹbrkåʹdd pââimõs papp Jaakko Vainio lij piijjâm plaanummuš vuällai odd õllʼjab äidd Čeʹvetjäuʹrr jaammʼji ruõkkâmsââʹjj pirr, leʹbe vuäʹmm äidd pââjjtem.

– Tuäivv mieʹldd puk lie vaalmâš puõʹtti ǩieʹss, što Lappi ortodoksla sieʹbrkåʹdd moččumus jaammʼji ruõkkâmsââʹjj vuäitt leeʹd rääuhast.

Kuvddal Lappi ortodoksla sieʹbrkåʹdd pââimõs papp Jaakko Vainio mainnâz täʹstt. Mainnâz lij lääddas. Jietna: Erkki Gauriloff / Yle

Varrasamosat: Sápmi

Váldoođđasat

Varrasamosat

Muualla Yle.fi:ssä