Sää´mjânnam |

Lappi ortodokslaž sieʹbrrkååʹdd Peäccam Mââibarggsieʹbrest jõnn prääzniǩ tän neäʹttlest – obb Čeʹvetjääuʹr škooul mieʹldd Ruäʹvnjaarǥ prääʹzneeʹǩest

Lappi ortodokslaž sieʹbrrkååʹdd Maaibarggsieʹbr prääzniǩ ciʹstten sij lie noorrâm tieʹǧǧ, nuʹt Čeʹvetjääuʹr škooulneeʹǩ piâzzče reissjed Ruäʹvnjaarǥ prääznka.

Sevetin koululaiset Lapin ortodoksisessa seurakunnassa
Govva: Hanna-Maaria Kiprianoff

Lappi ortodokslaž sieʹbrrkååʹdd Maaibarggsieʹbrr prääzkai jiijjâs kuʹǩes historias tän neäʹttlest. Prääzniǩ ciʹstten sij lie noorrâm tieʹǧǧ, nuʹt Čeʹvetjääuʹr škooulneeʹǩ piâzzče reissjed Ruäʹvnjaarǥ prääznka.

Škooulneǩ Lilja Ljetoff mušttal, mäʹhtt sij pieʹsse čuäʹjted sääʹmkulttuur mââibarggsiebr prääznǩest.

– Mij leäʹp neljjdpeeiʹv jååttam tiiʹǩ da pueʹttep leuʹddjed da taʹnssjed kaʹdreʹl. Meeʹst lij prograammest še õhttsaž porrmõš, mušttal Ljetoff.

Peäccma rajješ jiijj ortodokslaž ceerkav jiõččtäättlažorganisatio, Peäccam Mââibarggsieʹbrr juʹn 90 eeʹjj mââiårra. Vääin mâŋŋa sieʹbrr seeʹrdi Ruäʹvnjaʹrǧǧe eeʹjjest 1949.

Ruäʹvnjaarǥ ortodokslaž sieʹbrrkåʹdd haaʹlii tän eeʹjjest tuärjjeed čeʹvetjäuʹrrniiʹǩǩi reeis juʹn tõn diõtt, ko mättʼtõõđi lie Peäccam nuõrttsäʹmmlai kåårmlaač.

Tän neäʹttlest Čeʹvetjääuʹr škooulneeʹǩ lie jååttam Ruäʹvnjaarǥ harjjtõõllâmškooulâst piâtnac. Škooultuâjjla da škooulneeʹǩ peäʹsse ouddmiârkkân vueiʹnned Čeʹvetjääuʹr škooul čuäʹjtalm, mušttal uʹčteeʹl Hanna-Maaria Kiprianoff.

Varrasamosat: Sää´mjânnam

Váldoođđasat

Varrasamosat

Muualla Yle.fi:ssä