Sápmi |

Lappi universitehta sosiologaid girji evttohassan Vuoden Tiedekynä -bálkkašupmái – gieđahallet bázahusaid mearkkašumi servodagas

Vuoden Tedekynä -bálkkašupmi juhkojuvvo jahkásaččat dieđalaš čállosii, mas suomagiella lea geavahuvvon erenomáš ánssolaš vugiin. Bálkkašumi dárkkuhussan lea doarjut suomagielat dieđalaš čállima ja loktet dan árvvus atnima. Tervetuloa jäteyhteiskuntaan! lea girji bázáhusaid servodatlaš mearkkašumis ja dan sosiologalaš dutkamis.

Viidon sieiddit -čájáhusas
Lappi universitehta dutki Jarno Valkonen lea okta Tervetuloa jäteyhteiskuntaan! -girjji čálliin. Govva: Ritva Torikka / Yle

Tervetuloa jäteyhteiskuntaan! Aineellisen ylijäämän kanssa eläminen -girji lea evttohassan Vuoden Tiedekynä -bálkkašumi oažžun.

Dieđagirjji leat čállán Lappi universitehta servodatdiehtagiid dieđagotti sosiologat Jarno Valkonen, Veera Kinnunen ja Heikki Huilaja ovttas Tampere universitehta Turo-Kimmo Lehtoneniin ja Olli Pyyhtineniin.

Tervetuloa jäteyhteiskuntaan! lea girji bázahusaid servodatlaš mearkkašumis ja dan sosiologalaš dutkamis. Bázahusat leat viidát meroštallojuvvon oktan eanemus mearkkašahtti biraslaš ja sosiála váttisvuođain dálá servodagas.

Čállit evttohit, ahte golahanservodaga sajis galggašii hupmat bázahusservodagas. Sáhka lea das, mo gávdnat vugiid ja geavadagaid eallit soabalašvuođas bázahusaiguin.

Koneen Säätiö juohká Vuoden Tedekynä -bálkkašumi jahkásaččat dieđalaš čállosis, mas suomagiella lea geavahuvvon erenomáš ánssolaš vugiin. Bálkkašumi dárkkuhussan lea doarjut suomagielat dieđalaš čállima ja loktet dan árvvus atnima. Bálkkašupmi lea 25 000 euro. Vuoiti almmustahtto 18.5.2021.

Varrasamosat: Sápmi

Váldoođđasat

Varrasamosat

Muualla Yle.fi:ssä