Sápmi |

Lappi universitehta stivrra nannejuvvon – Stivralahttun maid Liisa Holmberg

Lappi universitehta stivrra lea ortniiduvvan dán vahkus. Stivrra ságadoallin válljejuvvui Helssega universitehta professor Hannele Niemi. Stivrras lea lahttun maid Liisa Holmberg.

Liisa Holmberg
Govva: Vesa Toppari / Yle

Lappi universitehta universitehtakollegio lea čoahkkimisttis 12.12.2017 nannen Lappi universitehta ođđa stivrra doaibmabádjái 1.1.2018–31.12.2020. Stivrra ortniiduvvončoahkkimis duorastaga 14.12. Lappi universitehta stivrra ságadoallin válljejuvvui Helssega universitehta professor Hannele Niemi ja várreságadoallin Pohjolan Osuuspankki beaivválaš jođiheaddji Keijo Posio.

Lappi universitehta stivrra eará olggobeale lahtut leat Liisa Holmberg Internašunála Sámi Filbmainstituhtas, professor Olli Kangas ÁEl:s ja Miia Porkkala, Aho Group Oy:s.

Stivrras mielde lahtut maid bargiid ja studeanttaid joavkkus

Lappi universitehta professoriid stivrras ovddastit professor Jonna Häkkilä dáidagiid dieđagottis ja veahkkeprofessor Mirva Lohiniva-Kerkelä riektediehtagiid dieđagottis.

Lappi universitehta dutkiid, oahpaheaddjiid ja eará bargiid stivrras ovddastit politihkkadiehtagiid universitehtalektor Tapio Nykänen servodatdiehtagiid dieđagottis ja IT-plánejeaddji Lauri Sievistö IT-bálvalusain.

Studeanttaid stivrras ovddastit servodatdiehtagiid studeanttat Matias Kassala ja Iida Nevasalmi. Studeantalahtu doaibmabadji lea okta kalenderjahki.

Stivrras eanaš nissonolbmot

Lappi universitehta stivrras leat 11 lahtu, main viđas bohtet universitehta olggobealde ja guđas universitehta siste. Ođđa lahtut leat 10 ja stivrras leat eanaš nissonolbmot.

Universitehta bargiid ovddasteaddjiid válljejit universitehta siste válggain skábmamánus. Studeantalahtuid vállje Lappi universitehta studeantagoddi ja universitehta olggobeale lahtuid universitehtakollegio.

Varrasamosat: Sápmi

Váldoođđasat

Varrasamosat

Muualla Yle.fi:ssä