Sápmi |

Lappii eanet fástagirdivuorut go ovdal

Lappii vurdet dušše juovlamánu áigge boahtit oktiibuot 500 girdi.

Avvila girdigieddi giđđat 2016.
Govva: Pirita Näkkäläjärvi / Yle

Finavia Lappi girdigittiin leat ráhkkaneame hohppos dálvesesoŋŋii. Girdijohtolaga dálvvis jáhkket boahtit eallaseamos jagi 2007 maŋŋel. Lappii vurdet juovlamánu áigge boahtit oktiibuot 500 diŋgojuvvon- ja fástagirdivuorut.

Diŋgojuvvon girdiid meriin rehkkenaston eallaseamos girdigiettit juovlamánus leat mannanjagi mielde Gihttel, 150 girdi, Roavvenjárga, 140 girdi, Avvila girdigieddái vurdet 93 chartergirdi mii lea 36 girdi eanet go diibmá, Eanodahkii vurdet 58 girdi ja Kuusamoi 11 diŋgojuvvon girdi.

– Diŋgojuvvongirdiid meari stáđis lassáneapmi, muitala dan ahte Lappi lea ožžon bisovaš saji bivnnut dálveluopmobáikin. Lappi turismadoaibmit leat bargan olu vai geasseáigái leat maid turismafálaldagat. Unnánassii bargu oidno. Hollándalaš Voigt Travel buktá ođđa diŋgojuvvongirdiid Hollánddas Roavvenjárgii geasset 2017, muitala jođiheaddji Joni Sundelin Finavias.

Vuosttaš diŋgojuvvon girdi seaivu Londonis Eanodahkii skápmamánu 25 beaivve. Vahkku ovdal juovllaid Lappii seaivu beaivvi áigge sullii 30 girdi. Eanemus turisttat bohtet Británnias, muhto girdit bohtet maid Duiskkas, Itálias, Hollánddas, Frankriikkas ja Spánias.

Oaláhusmearri ruvttogirdit Lappii

Lapin lumo lea ožžon dálveáigái  48 diŋgojuvvon girdi lassin maiddai fástagirdivuorut.

Lufthansa duppalastá girdis meriid München-Kittilä-vuoruide ja rahpá ođđa Frankfurt-Avvil-vuoru juovlamánus. Germania rahpá dálveáigodahkii golbma vuoru Duiskkas ja Sveitsas Lappii. vuorut leat Düsseldorf-Gihttel, Zürich-Roavvenjárga. Monarch girdá dálvet Manchesteris ja Londonis Gihttelii ja Norwegian fas Londonis Roavvenjárgii.

Máilmmi stuorámus neahttagávpefitnodat Alibaba almmuhii golggotmánus, ahte sii buktet Roavvenjárgga guvlui boahttejagi 50 000 kiinnálašturistta, main 3 000 bohtet Lappii jo boahtte dálvve.

Bargu mii lea dahkkon dan ovdii, ahte Lappi girdivuorut leat eanet geasuheaddji lea ollašuvvan bures

Sundelin muitala, ahte bargu mii lea dahkkon dan ovdii, ahte Lappi girdivuorut leat eanet geasuheaddji lea ollašuvvan bures. Suopma lea muđuige dál šaddan eanet bivnnut. Lonely Planet válljii Suoma máilmmi goalmmádin buoremus mátkkoštanbáikin jagis 2017.

– Dál mii sáhttet fállat turisttaide nu buorre vásáhusa, ahte sii háliidit boahtit deike ođđasit ja rekommenderet Suoma iežas olbmáide. Turismadoibmiid gáskásaš ovttasbargiiguin lea dás hui stuorra rolla, Sundelin muitala.

Finavia doarju Lappi turismma doaibmaeavttuid go sii fállet girdifitnodatkundariidda buriid girdigieddebálvalusaid. Fitnodat investere Lappi girdigittiide jagiin 2014-2016 35 miljon euro.

– Máilmmi ekonomiijaforuma mielde suoma girdigiettefierpmádat lea buoremusaid máilmmis. Johtolaga meari dovdá goittotge eanemus turismma ja guovlluid geasuhus, mii dagaha báikái jearálmasa. Lappi lea dás buorre ovdamearka, Sundelin muitala.

Varrasamosat: Sápmi

Váldoođđasat

Varrasamosat

Muualla Yle.fi:ssä