Sápmi |

Leanastivra dadjá ii Gálloka ruvkii – "Vuoitit leat min mánát ja mánáidmánát"

Norrbotten leanastivrra mielas Jokkmokk Iron Mines ii sáhte dáhkidit, ahte ruvkedoaibma ii dagat dálá eanageavaheapmái vahagiid, maid ii sáhte šat divvut. Gálloka ruvkeplánaid vuostálastit illudit ođđasis.

Boles duolbmu sámi leavgga.
Govva: SR Sameradion / Henrik Blind

Norrbottena leanastivra ii hálit addit Jokkmokk Iron Mines -fitnodahkii lobi roggat málmma Gállokis.

Leanastivra attii gaskavahku eahkedis cealkámuša áššis Ruoŧa alimus ruvkeáššiid eiseváldái Bergstatenii, čállá NSD-aviisa Ruoŧas.

Leanastivrra mielas Jokkmokk Iron Mines -ruvkefitnodat ii sáhte dáhkidit, ahte ruvkedoaibma ii dagat dálá eanageavaheapmái vahágiid, maid ii sáhte divvut.

Ášši ii goittotge leat vel mearriduvvon loahpalaččat.

– Jos Bergstaten dadjá juo ja leanastivra ii, de ášši vuordimis manná EU-duopmostullui, čállá NSD.

Henrik Blind njuorrasii

Gálloka ruvkeplánaid vuostálastit illudit mearrádusas. Johkamohkelaš politihkar Henrik Blind leamašan olu oidnosis Gálloka vuostálastima áigge.

– Njuorrasan dán ođđasis, ahte leanastivra lea vuohon hilgon fitnodaga ohcamuša. Otná stuorra vuoitit leat min mánát ja mánáidmánát, dadjá Henrik Blind Ruoŧa sámeradioi.

Varrasamosat: Sápmi

Váldoođđasat

Varrasamosat

Muualla Yle.fi:ssä