Sápmi |

Lemet Máhtte Eira Sara lea jorgalan máilmmi beakkán Minecraft-spealu davvisámegillii – "Muhtimin lean jo measta vuollánan"

Jorgalanbargu lea álgán skábmamánus 2019.

Lemet Máhtte Eira Sara on kääntänyt maailman suosituimman pelin pohjoissaameksi
Lemet Máhtte Eira Sara dehálamos bargoreaiddut jorgalanbarggus leamaš dihtor ja sátnegirji. Govva: Maria Graff / šearbmagovva

– Muhtimin lean jo measta vuollánan, lohká 20-jahkásaš Lemet Máhtte Eira Sara jorgalanbarggus NRK Sápmái, mainna álggii mannan skábmamánus.

Minecraft lea máilmmi beakkánamos speallu. Eira Sara ii leat rehkenastán olugo leat diimmut golihan dálvvi áigge, go lea ohcan ja jorahan heivvolaš sániid spealu jorgaleami várás davvisámegillii.

– Mun lean dál dálvvi miehtá čohkán ja jorgalan sámegillii spealu ja das leat dál buot sánit ja boalut sámegillii, oktiibuot 14 000 sáni, muitala Eira Sara.

Minecraftia pelataan konsolilla
Minecraft lea máilmmi beakkánamos videospeallu. Speallu lea ng. sáttokássaspeallu, mas spealli hukse ráhkkanusaid kubihkkakássain 3D-máilmmis. Govva: Elisa Kinnunen / Yle

Skibir ávžžuhii jorgališgoahtit spealu

Eira Sara skibir, gii ii máhte sámegiela, dat ávžžuhii su jorgalit Minecraft sámegilli. Skibir háliidii oahppat giela spealu bokte – dalle čohkkediige Lemet Máhtte Eira Sara dihtora ovdii ja álggii bargui. Son manai guossái lagaš olbmuide, go ii diehtán movt galggai jorgalit sániid.

– Mun lean eanaš ožžon veahki dieđusge áhkus ja ádjás, muhto mun lean maiddái geavahan Facebook-siiddu, man namma lea Ártegis ságat, doppe lean jearran daid gažaldagaid. Dalle sáhttet olbmot boahtit evttohusain, muitala Eira Sara.

Nuorraalmmái oažžu rámi barggus ovddas

NRK spealloekspearta Rune Fjeld Olsen rámida nuorra giellaberošteaddji ja lohká, ahte giella lea dehálaš oassi ovddidit kultuvrra.

Maiddái Bergen universitehta stipendiáhta ja Nordahl Grieg joatkkaskuvlla lektor Tobias Staaby addá árvvu Eira Sara jorgalanbargui. Staaby mielas lea buorre, ahte sámegiella oidno dakkár báikkiin, gos nuorat leat.

Eira Sara sávváge, ahte jorgalusas lea ávki earáidege.

– Mun jáhkán dat lea hui ollu veahki maid mánáide go galget giela oahppat ja álgit geavahit iešguđetge gaming-doahpagiid sámegillii.

Geahča ášši vuossárgga oanehis Ođđasat-sáddagis dáppe.

Varrasamosat: Sápmi

Váldoođđasat

Varrasamosat

Muualla Yle.fi:ssä