Koe uusi yle.fi
Sápmi |

Levi mánáidgárdái sámegielat bargi jáhkkimis borgemánus

Gihttela Levi mánáidgárdi oažžu sámegielat bargi jáhkkimis borgemánu rájes. Gihttela árrabajasgeassinhoavda Marketta Toivola lea duđavaš, ahte sámegielat doaibma dál viimmát beassa johtui.

Aslak Niittyvuopio
Govva: Mikkal Morottaja / Yle

Gihttela Levi mánáidgárdi oažžu sámegielat bargi jáhkkimis borgemánu rájes. Gihttela árrabajasgeassinhoavda Marketta Toivola muitala, ahte sii leat jo jearahallan dan bargui ovtta vejolaš sámegielat beaivedivššára. Jus visot manná bures ja bargi váldá barggu vuostá, de čavčča rájes Levi sámi mánát ožžot sámegielat divššu.

– Borgemánus de jáhkkimis beassá johtui sámegielat doaibma Sirkka beaiveruovttus. Lea somá oaidnit mo dat vuolgá jorrat, dadjá Gihttela árrabajasgeassinhoavda Marketta Toivola.

Levi mánáidgárdái ii šatta sierra sámegielat ossodat, muhto sámegielat beaivedivššár bargá ovttas suomagielat divššáriiguin.

– Jurddan lea, ahte sámegielat bargi váldá sámi mánáid ain gaskkohagaid iežas joavkun. Sámi mánáid joavkkus mánát leat nu iešguđet agis, de lea álkit doaibmat nu. Ja buohkat leat goittotge Sirkka mánáidgárddi mánát, de ii leat nu dárbu sirret. Sávvamis maid suomagielat mánát maid de ohppet veháš sámegiela seammás go oažžut sámegielat bargi mánáidgárdái, dadjá Gihttela árrabajasgeassinhoavda Marketta Toivola.

Varrasamosat: Sápmi

Váldoođđasat

Bivnnuhamosat

Varrasamosat

Muualla Yle.fi:ssä