Sápmi |

Liisa Holmberg Lappi universitehta stivrii: Dál diehtu johtá buorebut

Sámi oahpahusguovddáža rektor Liisa Holmberg lea válljejuvvon Lappi universitehta stivrii. Son illuda, go sámeguovllu dárbbuid ja sávaldagaid sáhttá doalvut njuolgga universitehtii.

Jietna: Liisa Holmberg
Jietna

Lappi universitehta stivrras leat oktiibuot 11 lahtu, main viđas válljejuvvojit universitehtaservoža olggobealde ja guđas fas universitehta siste.

Lappi universitehta stivra mearrida earret eará universitehta doaimmain ja ruhtadoalu váldoulbmiliin, strategiijas ja stivremis. Stivra maiddái dohkkeha ovttas oahpahus- ja kulturministeriijain boađussoahpamuša. Dasa lassin stivra vállje rektora ja várrerektoriid rektora evttohusaid vuođul.

Sámi oahpahusguovddáža rektor Liisa Holmberg mielde Sámi oahpahusguovddážis lea leamaš buorre oktavuohta Lappi universitehtain.

Son goit jáhkká, ahte diehtu johtá ain buorebut, go ieš lea beassan stivrii.

– Mis lea gal leamašange buorre oktavuohta juo guhká, muhto go ieš beassá sisa stivrii, de diehtu johtá buorebut ja min dárbbuid ja sávaldagaid sáhttá doalvut njuolgga dohko. Gal dat stivra jáhkkimis bargá strategiijalaš mearrádusaid maid.

– Ja leanhan dasto maiddái diđolaš, mii allaskuvllain dáhpáhuvvá Lappis.

Buorre ovttasbargu

– Min skuvla lea bargan olu ovttasbarggu Lappi universitehtain. Leat leamaš iešguđetlagan prošeavttat, skuvlenovttasbargu.

Son oaivvilda goit, ahte ovttasbargu sáhtášii leat eanetge.

– Mii sávvat, ahte oažžut dál hálddahusdiehtagiid, turismma ja sámeduoji skuvlejumi. Studeanttat sáhttet leat sámeguovllus, muhto oahpuide sáhttá lasihit kultuvrra ja giela.

Liisa Holmberg lei mielde Dearvva! -sáddagis vuossárgga 12.6.

Varrasamosat: Sápmi

Váldoođđasat

Bivnnuhamosat

Varrasamosat

Muualla Yle.fi:ssä