Sápmi |

LK: Ohcejoga gielda eahpida Deanu soahpamuša lágalašvuođa

Ohcejoga gielddaráđđehus áigu čielggadit man lágalaččat Deanu soahpamušhámus lea válmmaštallon. Gielda áigu maid váidit hálddahusriektái, go soahpamušhápmosis eai leat doaimmahuvvon buot áššebáhpárat sámegillii, vaikko sámi giellaláhka nu geatnegahttá.

Ohcejoga gielda
Govva: Yle / Vesa Toppari

Ohcejoga gielda hálida čielggadit, leago Deanu guolástussoahpamuša ja -njuolggadusa válmmaštallamis čuvvojuvvon buot lága mearrádusat, muitala Lapin Kansa. Ohcejoga gielddaráđđehus mearridii maŋŋebárgga Mika Aikio (sd.) evttohusas, ahte gielda guorahallá dutkanbivdaga dahkama soahpamuša válmmaštallamis.

Gielddaráđđehus mearridii maid váidit hálddahusriektái das, ahte guolástussoahpamuša válmmaštallamis eai leat čuvvon sámi giellalága mearrádusaid. Eana- ja meahccedoalloministeriija ii leat bivdagis fuolakeahttá doaimmahan gildii buot válmmaštallamii guoskevaš áššebáhpáriid sámegillii. Ministeriijas leat almmuhan, ahte jorgalusat eai leat vel gárvá.

Gielddahoavda Vuokko Tieva-Niittyvuopio mielas ministeriija vástádusa ii sáhte dohkkehit.

– Dát guoská sápmelaččaid eanet go miige eará. Orru, ahte dán áššái eat oaččo áššálaš gieđahallama.

Ohcejoga gielddaráđđehus mearridii maŋŋebárgga maid bovdet nu johtilit go vejolaš čoahkkái gieldda, osolašgottiid ja sámedikki oktasaš čoahkkima, gos ságastallet Deanu guolástussoahpamuša ja -njuolggadusa guoskevaš joatkadoaibmabijuin.

Varrasamosat: Sápmi

Váldoođđasat

Varrasamosat

Muualla Yle.fi:ssä