Sää´mjânnam |

Lookkâmsilttõõzz inspiraatiojeäʹǩǩää lie älggam – Âʹvvlest ij ǩiõssõõttâm oummid miõl, Čeʹvetjääuʹrest oummid leʹjje jiânnai

Lookkâmsilttõõzz inspiraatiojeäʹǩǩää lie leämmaš Âʹvvlest da Čeʹvetjääuʹrest.

Sääʹmkulttuurfoond äʹššooumaž Mari Korpimäki da jooʹttiǩeʹrjjpõõrt Minna Näkkäläjärvi leʹjje mainsteʹmmen mââibaarǥ Tiõrv-vuõlttõõzzâst. Jietna: Yle Areena


Vuõssaarǥ inspiraatiojeäʹǩǩää Âʹvvlest ij ǩiõssõõttâm oummid, leâša mââibaarǥ Čeʹvetjääuʹr šõddmõʹsse pueʹtte oummid jiânnai. Lookkâmsilttõõzz-haʹŋǩǩõõžž taavtõʹssân lij älšmâʹtted säʹmmlaid ǩeeʹrjted jiijj ǩeeʹrjid.

– Mõʹnt jåårǥlâʹtted ǩeʹrjjlažvuõtt jeeʹres ǩiõlin, ko mij leäʹp mainstõõlli jiõčč, mušttal Sääʹmkulttuurfoond äʹššooumaž Mari Korpimäki.

Sääʹmkulttuurfond äʹššooumaž Mari Korpimäki da jooʹttiǩeʹrjjpõõrt tuâjjlaž Minna Näkkäläjärvi leʹjje mainsteʹmmen mââibaarǥ Tiõrv-vuõlttõõzzâst Âʹvvel inspiraatiojeäʹǩǩää da sääʹmvuvdd škoouʹlʼtemkõõskõõzz sääʹmǩiõll da kulttuur mättõõđin õnnum inspiraatio šõddmõõžž pirr.

Čeʹvetjääuʹr inspiraatiojeäʹǩǩää pirr kuulâk täʹbbe nelljdpeeiʹv 31.1.2019 Tiõrv-vuõlttõõzzâst.

Varrasamosat: Sää´mjânnam

Váldoođđasat

Varrasamosat

Muualla Yle.fi:ssä