Säämi |

Luodâi alne tábáhtum puásuivahâgij puáhtá almottiđ 112-heiviittâs peht – meid havvâšum poccust kalga almottiđ

Vuosmužžân kalga koddeđ poččuu já talle almottiđ etikuávdážân.

poroja
Govva: Anja Kaarret / Yle

Luodâi alne tábáhtum puásuivahâgij almottem lii taan ääigi älkkee, jos lii luođim jiejâs puhelimân 112-sovellutus.

Jos vaahâg sáttoo, vuosmužân kalga koddeđ poččuu já talle almottiđ etikuávdážân. 112-heiviittâs iššeed tast, et puátá tárkká tiätu, kost eidu vaahâg sáttoo, ko tast láá gps-tiäđuh.

Mudusjäävripalgâs puásui-iššeed Osmo Seurujärvi lii ohtâ tain, kiäs kalga almottiđ, jos vaahâg sáttoo. Sun iälá keččâmin poccuu já árvuštâl tom. Jyehi palgâsist láá jieijâs puásuivaahâg árvuštâlleeh.

– 112:áást suáittih munjin, jieš mun jiem västid mist lii nubbe já val kuálmád-uv kiäs suáittih, mist lii tággáár riegis, muštâl Seurujärvi.

Ain kolgâččij almottiđ, veik tuše uáináččij lammâšum poccuu

Motomin kiävá nuuvt, et puásui tuše lammâšuvá já ruottâs patârâsân, já autovyeijee jurdá, et ij tast keevvâmkin mahten, ko puásui čuážžu já iälá, niävttá et puoh lii pyereest.

Osmo Seurujärvi
Mudusjäävripalgâs puásuiiššeed Osmo Seurujärvi. Govva: Vesa Toppari / Yle

Ain kuittâg kolgâččij almottiđ, veik tuše nurdáá poccuu. Lii tehálâš merkkiđ tom saje, jo-uv eelliđ väzzimin muottust, pieijâđ veik lastikseehâ, et uáiná tärkkilávt kogopeht puásui lâi. Talle poccuu kávná älkkest já ucâmân ij moonâ kuhháá äigi.

– Tot puáhtá leđe, et puásui mana tuše vittlov meetter luodâst miäcán, puávtáččij oinuđ-uv, mut ko ij tieđe kogopeht keččâđ, iätá Seurujärvi.

Kuldâl tast Osmo Seurujäärvi ravvuid jos puásuipärtti sáttoo.

Varrasamosat: Säämi

Váldoođđasat

Varrasamosat

Muualla Yle.fi:ssä