Sápmi |

Luopmániin vuhtton olu čáhppes dielkkut – dutki: "Buorre luomejagi geažil leat maid olu luomedivrrit"

Čáhppes dielkkuid dagaha luomedivri.

Hillanälvikkään syömä hilla
Čáhppes dielkkut eai leat várálačča, muhto jus dat lea olu de luomi ii leat borahahtti. Govva: Anni-Saara Paltto / Yle

Dán geasi lea leamašan válljis luomi miehtá Sámi. Buorre luomejagis lea maiddái luomedivri (Galerucella sagittariae, su. hillanälvikäs) ávkašuvvon. Luomedivrriid luottat leatge vuhtton dál miehtá Sámi.

Luomedivrri máđut guđđet luopmániidda čáhppes dielkkuid ja gaikkodit luomelasttaid. Dat ii leat várálaš, muhto dat váikkuha luopmána olggosoaidnui ja smáhkii, muitala Luondduriggodatguovddáža dutki ja luonddumuorjeáššedovdi Rainer Peltola.

– Jos leat olu čáhppes dielkkut luopmánis, de dat luomi lea dego jápmán. Dalle dat gal lea billašuvvan. Dákkár luopmánat lávejit báhcit lubmejeaddjis čoakkekeahttá, lohká Peltola.

divri borrá luomelastaid máhtu luomi luopmánat hilla
Álgogeasis luomedivrri máhtu lea ruoná, loahppageasis dat lea čáhppat. Govva: Aslak Paltto / Yle Sápmi

Peltola mielde luomedivri lea dábálaš beaiskodivri. Liegga gesiin dat leat eambo go čoaskásut gesiin.

– Liegga dálkkit leat buori murjjiide, muhto váidalahtti gal maiddái beaskodivrriide. Ja dál go leat olu luopmánat, de leat dat divrritge eambo.

Varrasamosat: Sápmi

Váldoođđasat

Varrasamosat

Muualla Yle.fi:ssä