Sää´mjânnam |

"Mädd lij säʹmmlaid puk algg da lopp" – Sääʹmteeʹǧǧ saaǥǥtuõʹlljeei õõni saaʹmi meersažpeeiʹv saaǥǥvuâr Yle Areenast

Sääʹmteeʹǧǧ saaǥǥtuõʹlljeei Tiina Sanila-Aikio saaʹmi meersažpeeiʹv saaǥǥvuâr kaaunâk Yle Areenast. Sanila-Aikio teäʹddii saaǥǥvuârstest säʹmmlai vuõiggâdvuõđ maddu da čäcca.

Video: Tiina Sanila-Aikio piti puheen saamelaisten kansallispäivänä.
Video

Sääʹmteeʹǧǧ saaǥǥtuõʹlljeei Tiina Sanila-Aikio õõʹni saaʹmi meersažpeeiʹv cistten saaǥǥvuâr.

Saaǥǥvuârstest Sanila-Aikio teäʹddii säʹmmlai vuõiggâdvuõđid maddu da čäcca.

– Vuäinam muu ânnʼjõž tuâj pääiʹǩ, što mij määdd da čääʹʒʒ taarbše suõjjeeʹjeez jäänab ko ni kuäʹss ouddâl, tõnt ko jeäʹp vueiʹt teänab seʹrdded meädda jeeʹres määddââʹnnemvuõʹjji ooudâst.

Ǩeâčč sääʹmteeʹǧǧ saaǥǥtuõʹlljeei obb saaǥǥvuâr Yle Areenast. Saakk lij säämas da tõõzz lie teeʹkst lääddas.

"Määddtää, koʹst mij jieʹllep da kååʹtt lij jeäʹltam miʹjjid, jie leäkku säʹmmla"

Säʹmmlai jieʹllemnääʹll kulttuurineez da ǩiõleezvuiʹm lij leämmaž da lij õinn juätkkjeei muttsi vueʹlnn jeänbõõžž juʹn-a tieʹđeeʹl leʹbe tieʹđǩani tuejjeem tuʹmmstõõǥǥi leʹbe tuåimi diõtt, särnn Sanila-Aikio saaǥǥvuârstest.

– Ij leäkku fiʹttjemnalla, mäʹhtt säʹmmla lie seillam tän peivva jiijjâz meeran reeʹǧǧes kulttuurineez da ǩiõleezvuiʹm. Nuʹt kuuʹǩǩ ko lij mädd, koon vueiʹtet ââʹnned äʹrbbvuâlaž jieʹllemvuõʹjjid, nuʹt kuuʹǩǩ lie oudldõõzz sääʹmǩiõli da kulttuur pueʹttiäigga, mušttal son.

– Mädd lij säʹmmlaid puk algg da lopp. Määddtää, koʹst mij jieʹllep da kååʹtt lij jeäʹltam miʹjjid, jie leäkku säʹmmla, juätkk Sanila-Aikio.

Varrasamosat: Sää´mjânnam

Váldoođđasat

Bivnnuhamosat

Varrasamosat

Muualla Yle.fi:ssä