Sápmi |

Maid dus lea lohpi bargat, jus leat karantenas, sirrejuvvon dahje dearvvaš? Dá rávvagat oanehaččat

Leago mus lohpi fitnat gávppis, jus lean karantenas? Naba jus muhtin mu bearrašis buohccá, geas lea lohpi su dikšut? Mii leat viežžan dearvvašvuođa ja buresveadjinlágádus THL rávvagiin vástádusaid muhtin gažaldagaide.

Auton tuulilasiin sataneelle lumelle kirjoitettu "COV-19 STAY HOME".
Biilla lásii lea čállon ráva bissut ruovttus. Govva: Attila Kisbenedek / AFP

Koronaepidemiija ráddje olbmuid árgabeaivvi.

Ráddjemiid dássi lea gitta das, man vuorddehahtti lea, ahte dutnje lea njommon koronavirus ja gulatgo muhtin riskajovkui.

Koronarávvagat-24-03-2020
Govva: Matti Kurkela / Yle

Olbmot geat buohccájit koronavirusa dagahan Covid-19-dávdda sirrejuvvojit eret olbmuin geain ii leat dát dávda. Sirren sáhttá dáhpáhuvvat ruovttus dahje buohcceviesus.

Buohccán olbmuin stuorámus oasis leat láivves dávdamearkkat, dalle lea doarvái, ahte sirren dáhpáhuvvá ruovttus. Dán buohcci olbmo dikšun ruovttus lea buorre leahkit ovtta dearvvaš olbmo bargun. Eará olbmot geat orrot seamma viesus galggale leat eará lanjas ja doallat buori gaskka buohccán olbmui.

Lahkáge buot koronanjoammumiid eai bastte dál sihkkarastit teasttaiguin. Nuba seamma rávvagat gusket maiddái sidjiide geat buhcet influeansa dahje muhtinlágán vuoigŋaninfekšuvnna.

Riskajovkui gulli olbmuid – badjel 70-jahkásaččaid ja jus olbmos lea muhtin bissovaš buohccivuohta – rávvejit leahkit dego karantenas.

Dalle go lea dego karantenas nu galgá váruhit beare lagaš kontávtta bearraša olggobealolbmuide. Olggos sáhttá mannat, jus ii mana lahka eará olbmuid. Ovdamearka dihte bargui, skuvlii, beaivedikšui dahje astoáiggedoaimmaide ii galgga mannat, danin go doppe lea váttis garvit lagaškontávttaid.

Maiddái gávppis ja apoteahkas ii galggalii fitnat. Jus lea bággu gávppašit ja daid ii bastte eará ládje ordnet, go nu ahte ieš manná, de galgá garvit lagaškontávttaid.

Karantenalágan dilli lea maiddái sis geaidda lea sáhtán vejolaččat njoammut korona. Nappo sii geat leat boahtán olgoriikkain, dahje sii geat leat leamaš lagaškontávttas muhtun olbmuin geas lea koronavirus. Dábálaččat sii geaidda lea vejolaččat sáhttán njoammut korona, sáhttet leat karantenas ruovttus. Jus seamma viesus dahje visttis orrot badjel 70-jahkásaččat dahje olmmoš geas lea muhtin bissovaš buohccivuohta, sáhttá gártit smiehtadit muhtin eará čovdosa.

Maiddái dearvvaš olbmuid rávvejit ráddjet johtima. Earenomážit sosiálalaš kontávttaid galggalii garvit nu olu go vejolaš. Garvve olmmošjoavkkuid ja doala unnimustá ovtta mehtera gaskka eará olbmuide. Jus lea vejolaš nu bargga gáiddusin

Varrasamosat: Sápmi

Váldoođđasat

Varrasamosat

Muualla Yle.fi:ssä