Sápmi |

Maiju Saijets vástideaddji buvttadeaddji sadjásažžan Yle Sápmái

Yle Sámi fásta vástideaddji buvttadeaddji Aletta Lakkala báhcá oahppolupmui áigodahkii 1.9.2017–31.8.2018 ja Saijets boahtá su sadjásažžan.

Maiju Saijets
Filosofiija magisttar Maiju Saijets lea bargan ovdal earret eará Yle Rovaniemis doaimmaheaddjin ja Yle Sámis doaimmaheaddjin ja ođashoavdda sadjásažžan. Govva: Martta Alajärvi / Yle

Áŋŋellaš Maiju Saijets lea válljejuvvon vástideaddji buvttadeaddji sadjásažžan Yle Sápmái.

Yle Sámi fásta vástideaddji buvttadeaddji Aletta Lakkala báhcá oahppolupmui áigodahkii 1.9.2017–31.8.2018.

Filosofiija magisttar Maiju Saijets lea bargan ovdal earret eará Yle Rovaniemis doaimmaheaddjin ja Yle Sámis doaimmaheaddjin ja ođashoavdda sadjásažžan. Maŋimuš jagiid son lea bargan prošeaktabargin earret eará Sámedikkis ja Sámemusea Siiddas.

Vástideaddji buvttadeaddji jođiha Yle Sámi doaimmahusa sisdoaluid plánema, bargojuogu ja fáttáid čuovvuma. Son gullá doaimmahusa hoavdajovkui ovttas hoavddain, tv-hoavddain ja teknihkalaš buvttadeaddjiin.

Yle Sámi hoavda Pirita Näkkäläjärvi celkkii iežas eret mannan vahkus. Su sadjásažžan oahppoluomu áigge doaibman Maria Saijets joatká hoavdan čakčamánu lohppii.

Varrasamosat: Sápmi

Váldoođđasat

Varrasamosat

Muualla Yle.fi:ssä