Sápmi |

Máilmme vuosttamuš nuortasámi musea rahppojuvvo odne Njávdámii

Nuortasámi musea Ä'vv rahppojuvvo odne diibmu 18. Mánnodaga 19.6. rájes musea lea beaivválaččat rabas oppa geasi.

Kolttamuseo Ä'vv
Govva: Sara Wesslin / Yle

Museahoavda Honna Havas muitala makkár dovdamušat sus leat dán beaivvi birra go nuortasámi musea rahpet.

– Fiinna beaivi, beaivváš goardá, maŋimuš válmmaštallamat leat jođus, hui fiinnis.

– Odnehan rahppojuvvo máilmme vuosttaš nuortasámi musea. Ä’vv ulbmilinhan lea nuortalaš kultuvrra nanusmahttin ja kultuvrra ovdanbuktin. Vuorddán dieđusge olu dán beaivvis. Sávvamis deike bohtet hui olu olbmot, oaidnit dan de eahkeda guvlui, muitala Havas musea mearkkašumis ja iežas vuordámušain otnábeaivvis.

Musea gárvvásmuvvan bistán guhká

Havas oaivvilda, ahte eahkedis oaidná, man mielas báikkálaččat leat museas. Son goittotge jáhkká olbmot leat movttegat.

– Jáhkán ahte dáppe sihke Suoma nuortalašguovllus ja Norgga nuortalašguovllus olbmot leat movttegat. Dathan ii leat mihkkege suollemasvuohta ahte musea gárvvásmuvvan lea bistán hui guhká, nu dáthan lea stuorra illubeaivi.

Musea leat álgán plánet jo 18 jagi dassái. Havas muitala, ahte dan áiggis leat geargan leat máŋggalágán jurdagat ja hástalusat.

– Dat leat leamaš máŋggat. Dál leat boahtán dasa ahte rahpat musea odne, mánnodaga rájes musea lea beaivválaččat rabas oppaa geasi, ahte dál mannat ovddos guvlui boahttevuođa guvlui, dadjá Havas.

Varrasamosat: Sápmi

Váldoođđasat

Bivnnuhamosat

Varrasamosat

Muualla Yle.fi:ssä