Sápmi |

Máilmmi vuosttas eamiálbmogiid Pride-festivála ordnejuvvo Gironis

Sámi Nuorra ja Queering Sápmi -prošeakta ordnejit máilmmi vuosttas eamiálbmogiid Pride-festivála golggotmánus Gironis. Festivála sisttisdoallá earret eará ovttastallama, bargobájiid, logaldallamiid ja kulturdoaluid.

Sápmi Pride
Sápmi Pride -leavga lea sáme- ja arvedávgeleavgga seaguhus. Govva: Sápmi Pride

Máilmmi vuosttas eamiálbmogiid Pride-festivála ordnejuvvo Gironis golggotmánu 16.-19. beivviid. Festivála ordne Ruoŧa sámenuoraid organisašuvdna Sámi Nuorra ja ruhtada Queering Sápmi -prošeakta.

Seksuála- ja sohkabeallevehádagaid Pride-festivála sisttisdoallá Gironis earret eará ovttastallama, bargobájiid, logaldallamiid ja teáhter-, dáidda- ja musihkkadoaluid. Dárkilot prográmma ja oassálastindieđut gávdnojit Sápmi Pride -facebooksiidduin.

– Jurddan lea, ahte festivála ordnejit boahtteáiggis iešguđet organisašuvnnat iešguđet báikegottiin, muitalit ordnejeaddjit dáhpáhusa facebooksiidduin.

Varrasamosat: Sápmi

Váldoođđasat

Varrasamosat

Muualla Yle.fi:ssä