Sápmi

Maŋimuš beaivi evttohit Gollegiella-bálkkašumi oažžuid

Duorastaga geargá vel evttohit gii ánssašivčče Gollegiella-bálkkašumi. Gollegiella-bálkkašupmi juogáduvvo skábmamánus Stockholmmas.

Gollegiella 2014: Sivertsen, Vuolab, Svonni
Gollegiella-bálkkašumi oažžut 2014: Seija Sivertsen (gur.), Kerttu Vuolab ja Mikael Svonni Govva: Vuoigatvuohtaministeriija

Odne duorastaga lea maŋimuš beaivi evttohit Gollegiella-bálkkašumi oažžuid.

Ovttaskas olbmot ja joavkkut njealji riikkas sáhttet dahkat evttohusaid dán jagáš bálkkášumi vuoitin. Evttohusaid galgá sáddet maŋemustá odne duorastaga 25.8.2016 oktan čálalaš čilgehusain šleađgaposttii gollegiella@sametinget.se.

Geigejuvvo juohke nuppi jagi

Gollegiella-bálkkašupmi addojuvvo ovttaskas olbmui dahje organisašuvdnii Norggas, Ruoŧas, Suomas dahe Ruoššas, guhte lea ovddidan sámegiela.

Bálkkašupmi geigejuvvo juohke nuppi jagi, dál jo čihččet geardde.

Juogáduvvo skábmamánus

Gollegiella-bálkkašupmi juhkojuvvo skábmamánus Stockholmmas.

Giellabálkkašumi leat ásahan sámeáššiin vástideaddji ministarat Norggas, Ruoŧas ja Suomas ovttas dáid riikkaid sámediggepresideanttaiguin.

Bálkkašumi sturrodat lea 15 000 euro.

Varrasamosat: Sápmi

Váldoođđasat

Varrasamosat

Muualla Yle.fi:ssä