Sápmi |

Mánáide lea almmustuvvan ođđa mobiilaspeallu golmma sámegillii – skábmamánus bohtet vel lasi spealut ja digigirjjit

Suoma Sámedikki mánáidmateriálaprošeakta lea almmustahttán vuosttas mobiilaspealu.

Mobiilaspeallu Karhu ja kettu
Guovža ja rieban -mobiilaspealu álgojurdaga ja govaid lea hutkan ja sárgon dáiddár-govvaráhkadeaddji Ulla Sainio. Spealu lea ollašuhttán jyväskylälaš speallofitnodat Zaibatsu Interactive. Govva: Sámediggi / Saamelaiskäräjät

Sámedikki vuollái skuvlaahkásaččaid mánáidmateriálaprošeavtta vuosttas mobiilaspeallu lea gárvvis, ja dan sáhttá luđet Google Play -gávppis namain "Karhu ja kettu". Mobiilaspeallu lea olggosaddon golmma sámegillii: anáraš-, nuortalaš- ja davvisámegillii.

"Guovža ja Rieban" lea máidnasa hápmásaš mobiilaspeallu, mas beassá čuovvut ealliguoktá ja sudno ustibiid mátkki Sámeeatnamii jagiáiggiid čađa.

– Speallu lea dárkkuhuvvon vuollái skuvlaahkásaš mánáide, muhto speallu heive buohkaide ja ovdamearkka dihtii giela oahppiide, maiddái rávesolbmuide, muitala prošeavttas bargan Petra Kuuva.

Skábmamánus bohtet nubbi mobiilaspeallu, guokte digigirjji, sámegielaid bođubustávat ja boazofáttát lávdespeallu

Sámedikki vuollái skuvlaahkásaččaid mánáidmateriálaprošeakta nohká jagi 2019 loahpas. Prošeavttas buvttadit aiddo almmustahtton mobiilaspealu lassin vel nuppi mobiilaspealu, guokte digigirjji, sámegiela kartoŋŋabustávaid ja boazolávdespealu.

Sámegielat mobiilaspealuiguin hálidit riggudahttit mánáid sátneráju ja máinnastandáidduid.

Digitálalaš girjjiin nubbi ráhkaduvvo Ulla Sainio girjjis "Karhu ja Kettu" ja nubbi Satu Moshnikoff diktagirjjis "Njuämmlaž njoikk vuođul".

Boazofáttát lávdespealus spealli galgá bargat bohccuiguin ja dan bokte beassá oahppat boazosániid ja matematihkalaš dáidduid.

Kartoŋŋabustávaid fas sáhttá geavahit veahkkin árrabajásgeassimis ja ovdaoahpahusas lohkan- ja čállinmáhtu oahpaheames.

Prošeakta olggosaddá buot materiálaid máná vuoigatvuođaid beaivve 20.11.

Varrasamosat: Sápmi

Váldoođđasat

Varrasamosat

Muualla Yle.fi:ssä