Sápmi |

Manin sápmelaččat ieža vuvdet turistagahpiriid? — Geahča video dás!

Márkomeannu-festivála gilddii sámidujiid muittuheaddji turistagahpiriid festiválastis. Liikká goit oidnojedje festiválaguovllu duodjemárkaniin fake-gahpirat vuovdemassii.

Video: Aslak Paltto ihmettelee Márkomeannu -festivaalilla kun saamelaiset itse myyvät feikkejä saamelaislakkeja.

Márkomeannu-festivála gilddii sámidujiid muittuheaddji turistagahpiriid festiválastis. Festivála lágideaddjit ávžžuhedje, ahte festiválaguossit eai cokka turistagahpiriid Márkomennui, eaige duojárat vuovdde turistagahpiriid festiválas.

Liikká oidnojedje festiválaguovllu duodjemárkaniin fake-gahpirat vuovdemassii. Maiddái muhtin festivála eaktodahtolaš bargiin ledje turistagahpirat oaivvis.

Sohkaršohkka-prográmma válddii čielgasa, manin sápmelaččat ieža háliidit vuovdit fakegahpiriid.

Vuovdi: Festivála lea dohkkehan gahpiriid

Guovdageaidnolaš Ellen Bongo Eira lei Márkomeannus vuovdime iežas dujiid ja maid turistagahpiriid, maid lea ieš gorron. Son gohčoda daid gahpiriid šávkan.

Ellen Bongo Eira Kautokeinosta
Govva: Aslak Paltto / Yle Sápmi

Ellen Bongo Eira dadjá, ahte su eai lean gieldán vuovdimis turistagahpiriid festiválaguovllus ja ahte lágideaddjit leat dárkkistan su tiŋggaid.

– Dat lohket, ahte Suoma gahpiriid ii oaččo vuovdit. Muhto dat leat leamašan geahččamin ja dat leat dohkkehan daid, Bongo Eira muitala.

"Jos mii eat vuovdde daid, de sápmelaš massá dietnasa"

Ellen Bongo Eira mielas ii leat dušše buorre, jos sápmelaččat heitet vuovdimis turistagahpiriid.

Aslak Paltto ihmettelee Márkomeannu -festivaalilla kun saamelaiset itse myyvät feikkejä saamelaislakkeja.
Govva: Aslak Paltto / Yle Sápmi

– Das sáhttá leat dakkár váikkuhus ahte jos mii eat vuovdde daid, de leat dušše rámbuvrrat ja dážat geat vuvdet daid ja sápmelaš massá dan dietnasa, kommentere Ellen Bongo Eira.

Su mielas lea buoret, jos sápmelaččat vuvdet turistagahpiriid, go muđui ruhta manašii olggobeallái.

– Dat lea nu, ahte daid stuorra fabrihkaid mii eat goittotge sáhte bissehit. Dat gorrot goittotge ja dat levvet deike liikká bures dat tiŋggat. Ja dat ostet goitge, doppe rambuvrrain, Bongo Eira oivvilda.

Ellen Bongo Eira muitala maiddái, ahte ássehasat leat hui várrogasat sámi gárvvuiguin ja ollugat jerret sus, ahte sáhttetgo sii atnit ovdamearkka dihte sámi gapmagiid, mat sus leat vuovdemassii.

– Dál dat šaddet vel eambbo várrogasat eaige duosta oastit, eai mis goit, sápmelaččain, Bongo Eira dadjá.

Suohpanterror ja Ylva eai dohkkehan turistagahpiriid

Suohpanterror -dáiddakollektiiva čájehii Márkomeannu lávddi alde, maid sii oaivvildit turistagahpiriid birra. Ylva-joavkku konseartta maŋimuš bihtá áigge Suohpanterror billistii ja čuohpai máŋga turistgahpira fámolaš performánssas.

Oasi performánssas sáhttá geahččat Yle Areenas.

Suohpanterror esitti protestitaidetta Márkomeannussa repimällä feikkejä saamelaislakkeja.
Govva: Aslak Paltto / Yle Sápmi
 

Suohpanterror esitti protestitaidetta Márkomeannussa repimällä feikkejä saamelaislakkeja.
Govva: Aslak Paltto / Yle Sápmi
 

Varrasamosat: Sápmi

Váldoođđasat

Varrasamosat

Muualla Yle.fi:ssä