Sápmi |

Maori bellodat háliida rievdadit Ođđa Selándda virggálaš namman Aotearoa

Maori bellodat gáibida maiddái ovddasteaddjivistti máhcahit maorigielat namaid giliide, gávpogiidda ja báikkiide.

Nuoria maorimiehhiä yhden selässä tatuoitu teksti "Aotearoa".
Maori bellodagas oaivvildit, ahte Ođđa Selánda lea hollándalaš namma riikii ja gáibidit rievdadit nama Aotearoan. Govva: ullstein bild - Minehan/ All Over Press

Maori bellodat háliidivččii rievdadit Ođđa Selándda virggálaš namman Aotearoa, mii lea riikka namma dan eamiálbmoga maoriid gillii. Bellodat lea sádden átnumuša ja gáibida ovddasteaddjivistti (House of Representives) molsut nama. Sii oaivvildit, ahte Ođđa Selánda lea hollándalaš namma riikii.

– Das lea guhkes áigi go Te Reo Māorii máhcahuvvui dan vuoiggalaš sajádat vuosttaš ja virggálaš giellan dán riikkas. Mii leat polynesialaš riika, mii leat Aotearoa, čálliba Te Pāti Māori jođiheaddjiguovttos Rawiri Waititi ja Debbie Ngarewa-Packe átnumušas.

Dasa lassin bellodat gáibida virggálaččat máhcahit Te Reo Māori nappo maorigielat namaid giliide, gávpogiidda ja báikkiide ovdal jagi 2026.

Áššis čállá The Guardian.

Yle Ođđasiid Sámis ja Beaivvi ságaid sáhtát maid guldalit Yle Areenas.

Varrasamosat: Sápmi

Váldoođđasat

Varrasamosat

Muualla Yle.fi:ssä