Säämi |

Marja-Liisa Olthuis uážžu Linguapax-palhâšume anarâškielâ pargoost

Palhâšume juáhhoo jyehi ive aalmugijkoskâsii eenikielâ peeivi.

Marja Liisa Olthuis
Marja-Liisa Olthuis, Linguapax Award taan ive palhâšume uážžoo. Govva: Yle / Anja Kaarret

Giellagas-instituut anarâškielâ lehtor Marja-Liisa Olthuis uážžu Linguapax Award -palhâšume. Taan palhâšume jyehih ulmij tai uásipiällán, mii lii ovdedâm kielâ maaŋgâpelevuodâ, kielâ iäláskittem, kielâ siärváduv movtáskittem já maaŋgâkielâlâšvuođâ.

Palhâšume juáhá Linguapax-organisaatio, mii suojâl já iäláskijd kielâ maaŋgapelevuođâ maailmist. Paöhašume lii 6 000 eurod.

Palhâšume juáhhoo jyehi ive aalmugijkoskâsii eenikielâ peeivi. Tääbbin uáiná, kiäh ovdil láá uážžum taan palhâšume.

Tove Skutnabb-Kangas iävtuttij išedijnis Márjá-Liisán Olthuisin Linguapax-palhâšume. Govva: Susanna Guttorm / Yle Sápmi

Kielâtotkee Tove Skutnabb-Kangas išedijnis iävtuttij Olthuis iävtukkâsân ive palhâšum káččoon. Tove já suu iššeed lává kuohtuuh jo ovdil uážžum taan palhâšume. Palhâšume uážžoo jienâstuvvoo. Toh kiäh láá uážžum taan palhâšume, te uážžuh jienâstiđ.

Suoi láin pyehtiđ iävtuttiđ puoh anarâšâid ja muštâláin-uv iävtuttâsâst Olthuis lasseen meid Morottaja já Mattus perruid já anarâškielâ seervi.

– Ijhân tot lah Marja-Liisa ohtuu tom porgâm, lii lam šiev tuárju iššeen, muštâl Skutnabb-Kangas.

Marja Liisa Olthuis meid jieš lii tom mielâst, et taan suu pargo iššeen já tuárjumist lii lam masa jo ubâ anarâš siävudah. Iävtutteijei mielâst lâi meid tot hirmâd tergâd, et palhâšume uážžoo lii nissoon já et sun lii algâaalmugân kullojee.

Varrasamosat: Säämi

Váldoođđasat

Varrasamosat

Muualla Yle.fi:ssä