Sápmi |

Márjá Bål Nango lea vuoitán stuorra filbmabálkkašumi Rhode Island International Film -festiválas

Filbmafestiválas sáhttá kvalifiseret Oscar-gilvvu nominašuvdnii.

Marja Bål Nango
Filbmadahkki Márjá Bål Nango lea eret Ivgobađas, Romssas. Govva: Johan Mathis Gaup / preassagovva

Filbmadahkki Márjá Bål Nango lea vuoitán Rhode Island International Film -festivála buoremus bagadalli bálkkašumi oanehisfilmmain Njuokčamat, muitala NRK Sápmi. Filbma muitala nissonolbmos, guhte vásiha veagalváldima duoddaris bohccuid guođohettiin.

Rhode Island International Film -festivála lea okta Amerihká stuorámus filbmafestiválain, mas sáhttá maiddai kvalifiseret Oscar-gilvvu nominašuvdnii.

Bål Nango filbma Njuokčamat lea ožžon earáge bálkkašumiid, earet eará Palm Springs -filbmafestiválas geassit dat oaččui buoremus riikkaidgaskasaš oanehisfilmma bálkkašumi.

Filbmadahkki leamaš mielde maiddái Tampere filbmafestiválas jagis 2015. Doppe čájehuvvui su filbma Hilbes biigá.

Márjá Bål Nango lea eret Ivgobađas, Romssas. Son lea gazzan filbmaoahpu Nordlándda dáidda- ja filbmafágaskuvllas Lofotain.

Varrasamosat: Sápmi

Váldoođđasat

Varrasamosat

Muualla Yle.fi:ssä