Sápmi |

Marja Helandera ja Márjá ja Ingir Bål Nango filmmat vuite bálkkašumiid ImagineNATIVE-filbmafestiválas

ImagineNATIVE-filbmafestivála lágiduvvui mannan vahkus Kanádas.

Viidon sieiddit čájáhusas
Dáiddár Marja Helandera filbma "Suodji" vuittii bálkkašumi gelddolaš muitalanvuogis. Govva: Ritva Torikka / Yle

Marja Helandera filbma Suodji ja Márjá ja Ingir Bål Nango filbma Njuokčamat leat vuoitán bálkkašumiid ImagineNATIVE-filbmafestiválas. Festivála lágiduvvui 20.–25.10. Kanádas.

Helandera filbma Suodji vuittii bálkkašumi gelddolaš muitalanvuogis (Eŋg: Innovation in Storytelling) ja Marja ja Ingir Bål Nango filbma Njuokčamat vuittii buoremus oanehisfilmma bálkkašumi(eŋg: Best live action short).

Njuokčamat filbma čájehuvvo skábmamánus maid HollyShorts-filbmafestiválas Los Angelesas, gos sáhttá kvalifiseret Oscar-gilvvu nammademiide.

Festiválas ledje čieža sámefilmma

Filbmafestivála prográmmas ledje dán jagi oktiibuot čieža sámefilmma. Suodji ja Njuokčamat -filmmaid lassin prográmmas lei Márjá ja Ingir Bål Nango filbma This is Fiction 19, Ann Holmgrena filbma VÅR2020, Katja Gauriloff filbma Guorgga-joavkku musihkkavideo Duoddaramodjegobit, Sunna Nousuniemi oanehisfilbma gáidat/máhccat (Dissociate) ja Suvi West filbma Čáhcerávga.

ImagineNATIVE lea máilmmi stuorámus eamiálbmogiid filbmafestivála, mii lágiduvvo Torontos, Kanadas. Dán jagi filbmafestivála ordnejuvvui neahtas.

Varrasamosat: Sápmi

Váldoođđasat

Varrasamosat

Muualla Yle.fi:ssä