Sápmi |

Marja Seilonen válljejuvvui Anára skuvlla ođđa rektorin

Anára čuvgehuslávdegoddi válljii gaskavahku čoahkkimisttis pedagogihka magisttar Marja Seilonen Anára skuvlla rektorin.

Inarin koulun neljällä kielellä
Govva: Yle Sápmi

Anára čuvgehuslávdegoddi čoahkkanii ikte gaskavahku válljet Anára skuvlii ođđa rektora. Lávdegoddi válljii ovttamielalaččat pedagogihka magisttar Marja Seilonen Anára skuvlla rektorin.

Čuvgehuslávdegoddi ákkastallá mearrádusas dainna, ahte Seilonen lea guhká bargan vuođđooahpahusa oahpaheaddjin. Son lea ovdal bargan erenoamáš oahpaheaddjin ja luohkáoahpaheaddjin earret eará Oulus ja Ohcejogas. Son lea maid bargan Ohcejohnjálmmi skuvlla veahkkejođiheaddjin. Dasa lassin son lea čađahan davvisámegiela vuođđodási dutkosa ja sus lea matematihka oahpaheaddji skuvlejupmi.

Čuvgehuslávdegoddi jearahalai mannan vahkus rektorvirgái Samuli Kinnunen, Paula Nilivaara, Leila Kyngäs-Teeriniemi ja Marja Seilonen. Lávdegoddi doalai dan maŋŋá čoahkkima, mas galge válljet ođđa rektora, muhto čoahkkimis ii lean šat mearridanváldi.

Giđđat rektorin válljejuvvon Elle-Maaret Näkkäläjärvi almmuhii miessemánu loahpas, ahte son ii váldde virggi vuostá ja virgi biddjui ođđasit ohcanláhkái. Anára skuvlla rektorin čakčamánu loahpa rádjai bargá várrerektor Arto Lämsä.

Varrasamosat: Sápmi

Váldoođđasat

Varrasamosat

Muualla Yle.fi:ssä