Sápmi |

Meahciráđđehus ii vuovdde dán jagi guolástanlobiid olgobáikegoddelaččaide Deanu oalgejogaide – báikkálaččat gal ožžot bivdit, muhto eai luosaid

Olgobáikegoddelaččaide eai hálit dál addit guolástanlobiid danin, go Meahciráđđehusas jáhkket, ahte soavvilbivdu lassána go luosa ii beasa bivdit.

Ilmari ja Raine Tapiola soutavat Tenolla.
Deanu váldojohkii olgobáikegoddelaččat gal besset boahtte gease soavvilbivdui, muhto eai fal oalgejogaide. Govva: Linnea Rasmus / Yle

Meahciráđđehus ii vuovdde dán jagi guolástanlobiid olgobáikegoddelaččaide Deanu oalgejogaide. Ásahus guoská Veahčajoga ja Ohcejoga. Dábálaččat Meahciráđđehus lea vuovdán guolástanlobiid dáidda jogaide olgobáikegoddelaččaide muhtin čuđiid.

Gieldalaččat sáhttet ain bivdit oalgejogain eará guollešlájaid, muhto eai fal luosaid.

Suopma ja Norga leat mearridan gieldit luossabivddu dán jagi lohppii olles Deanu čázádagas luossanáli heajos dili dihte.

Olgobáikegoddelaččaide eai hálit dál addit guolástanlobiid danin, go Meahciráđđehusas jáhkket, ahte soavvilbivdu lassána, go luosa ii beasa bivdit. Meahciráđđehusa mielde Deanu oalgejogaid soavvelnálit eai leat seammá nannosat go Deanu váldojogas.

– Mii vásihit, ahte dán dilis lea vásttolaš, ahte Meahciráđđehus ii vuovdde guolástanlobiid ollenge, dasgo luossabivddu sadjái gieldalaččaid bivdodeaddu čuohcá dál vuordimis erenomážit soavvilii, dadjá meahccedoallohoavda Pirjo Ilvesviita.

Varrasamosat: Sápmi

Váldoođđasat

Varrasamosat

Muualla Yle.fi:ssä