Sápmi |

Meidän festivaalis gievrras sámenissonat mielde – Iŋgá-Máret Gaup-Juuso, Auri Ahola ja Pirita Näkkäläjärvi

Sotnabeaivve 23.7. festivála teman lea eamiálbmot. Dalle prográmmas lea earret eará anáraš dánsu Auri Ahola ođđa koreografiija Ingá-Máret Gaup-Juuso luđiide. Pirita Näkkäläjärvi doallá sáhkavuoruid festiválas.

Iŋgá-Máret Gaup-Juuso
Ingá-Máret Gaup-Juuso. Govva: Sannamari Blinikka-Tyrväinen

Meidän Festivaali (sá. Min Festivála) čalmmustahttá sápmelaččaid dán jagáš festiválaprográmmas. Festivála teman lea dán jagi jietnavuoigatvuohta.

Festivála dáiddálaš jođiheaddji Pekka Kuusisto muitala, ahte dán jagi festivála háliidit oamastit nissoniidda, geat 1907 ožžo jietnavuoigatvuođa ja álggahedje barggus Suomas. Kuusisto muittuha, ahte dávjá nissonat geat bealuštit dásseárvvu ja olmmošvuoigatvuođaid gártet gillát vealaheamis.

Meidän Festivaali Järvenpääs Mátta-Suomas lágiduvvo 23.–29.7.2017.

Sotnabeaivve temán eamiálbmot

Sotnabeaivvi 23.7.2017 festiválas temá lea eamiálbmot. Dalle prográmmas lea earret eará anáraš dánsu Auri Ahola ođđa koreografiija Ingá-Máret Gaup-Juuso luđiide. Pirita Näkkäläjärvi doallá sáhkavuoru.

Pirita Näkkäläjärvi
Pirita Näkkäläjärvi. Govva: Vesa Toppari / Yle
Vuossárgga 24.7.2017 temá lea árbevierru. Prográmmas leat earret eará Ingá-Máret Gaup-Juuso luodit. Pirita Näkkäläjärvi ja Paula Susitaival leaba guovtti konseartta eamidat ja hállaba árbevierrotemá birra. Konsearttat lágiduvvojit diibmu 17 ja 20.

Musihka lassin Meidän Festivaalis leat servodatberošteaddjiid sáhkavuorut.

Olles festiválaprográmma gávdno dáppe.

Varrasamosat: Sápmi

Váldoođđasat

Varrasamosat

Muualla Yle.fi:ssä