Sápmi |

Mirja Laiti oažžu Suoma vilges ruvssu ánsoruossa – Suoma Presideanta lea mieđihan iehčanasvuođabeaivvi ánsomearkkaid

Suoma vilges ruvssu vuosttas luohká medállja golleruossaiguin oažžu dán jagi ovdamearkka dihte Matti Semenoff Anáris.

Mirja Laiti
Anára gieldda rabasfuolahusa hoavda Mirja Laiti bálkkašuvvo barggustis ánsomearkkain. Govva: Kirsti Länsman / Yle

Suoma Presideanta lea juohkán iehčanasvuođabeaivvi 6.2.2019 ánsomearkkaid.

Ánsomearkkaid ožžot olbmot, geat leat čájehan iežaset ámmátdáiddu ja geain lea buorre beaggin.

Anára gieldda rabasfuolahusa hoavda Mirja Laiti oažžu dán jagi Suoma vilges ruvssu ánsoruossa.

Suoma ledjona ánsoruossa oažžu sámeguovllus beaivválaš hoavda Juha-Pekka Mäntyvaara Eanodagas.

Suoma vilges ruvssu vuosttas luohká medállja golleruossaiguin ožžot sámeguovllus čuovvovaš olbmot:

  • Alatörmänen Seppo Mika Olavi, guhte lea Eanodaga gieldda luohttámušolmmoš
  • Keskitalo Seija Liisa Anneli, guhte lea Eanodagas biepmo- ja čorgenbálvalusa hoavda
  • Kynsijärvi Auli Marja-Leena, guhte lea fysioterapeuhta Eanodagas
  • Raittimo Pentti Antero, guhte lea bajimuš bargojođiheaddji Eanodagas
  • Semenoff Matti, guhte lea boazodoalli Anáris ja doaibman ovdal guhká Váhčira bálgosa boazoisidin

Vilges ruvssu vuosttas luohká medálja ožžot sámeguovllus čuovvovaš olbmot:

  • Korva Seija Annikki, guhte lea boarrásut konstábel Anáris
  • Mikkola Tapio Kusti Herman, guhte lea boarrásut konstábel Anáris
  • Mäkinen Pasi Olavi, guhte lea boarrásut konstábel Anáris

Suoma vilges ruvssu ja Suoma ledjona riddárgottiid iehčanasvuođabeaivvi buot ánsomearkkaid sáhttá lohkat dáppe.

Varrasamosat: Sápmi

Váldoođđasat

Varrasamosat

Muualla Yle.fi:ssä