Säämi |

Miss Helsinki –kištoi fantasiakuvviimeh njunnáád ulmuid sosiaallâš mediast

Uárnejeijee täähid, et kuvij tolgekapereh iä lahtos mahten algâalmugijd. SSN seervi saavâjođetteijee ij tuhhit tieggáár vástádâs.

Miss Helsinki 2017 uásálisteeh
Govva: Screenshot

Vaalâ šoodâi Miss Helsinki -missikištokuvviimiin kištottelleeh láá kárvudâttâm uáivipihtâsân, mast láá tolgeh já mii suulâst čuuvtij uáivikáárvu mon motomeh Amerika algâaalmugeh kevttih. Taah koveh kávnojeh ovdâmerkkân Miss Helsinki -Instagramsiijđost.

Helsingin Sanomat Nyt -lahtos muštâl, et Miss Helsinki -orgaan jođetteijee Martina Aitolehti piälušt uáivikáárvu kevttim tain, et sist lijjii fantasiakuvviimeh já et sii uáivikáárvuin ij lamaš maggaarkin koččâmuš algâaalmugij pirrâ já tot kieđâvuš ollásávt eres ääši.

Suoma Sámi nuorat –seervi saavâjođetteijee Petra Laiti ij addii, maht fáddá ličij maka fantasia.

Kuldâl Petra Laiti sahhiittâllâm Miss Helsinki -kištoi kuuvijn

- Tot lii nuuvt, nuuvt iikoonlâš taat sii kappeer. Já veik ličij-uv nuuvt, et sämmilijn ij oopâ škoovlâst Suomâst, mut indiaanij pirrâ kal máttáátteh. Jyehi áinoo tain nieidâin lii uáinám kove taggaar kaperijn ovdil-uv, láittá Laiti.

Kuás ađđiistâllâm lii kulttuur nistem?

Laiti mielâst kišto uárnejeijei tolgepihtâsij kevttim muštâl tast, et sist ij lah ibárdâs, mon tehálâš äšši tot lii Amerika algâalmugij kulttuurân.

- Tot čielgâ rääji mana taggaar káárvui já symbolijn, moh láá adelum tieggáár kunneepalhâšumen ovdâmerkkân. Jis tom áášán kulloo mottoomlágán kunnee tom kulttuur siste, te tallehân lii aaibâs čielgâs, et tot algâaalmug kiän kulttuur tot lii, tiätá et maggaar kontekstist taid symbolijd já káárvuid uážžu kevttiđ. Já mun uáinám, et taat kappeer mon Miss Helsinki (-kišto uárnejeijeeh) lii kiävttâm, nuuvt tothân lii hirmâd stuorrâ kunnee Amerika algâaalmugkulttuurâin, et tom uážžu kevttiđ.

Vaalâ čokkânij smaavâ kommentist

Tábáhtume finnij čuuvtij huámášume, tast maŋa ko Laiti kommentistij Instagramist manen tagarij kuvij kevttim ij heivii. Miss Helsinki –sijđoin sikkuu komment já eestij tienuuvt, et SSN ij pyevti kommentistiđ.

- Jis sij iä ličij reagistâm mahten, te ij ohtâgin ličij tom huámášâm, mut taat stuorrâ “kohu” tast šoodâi-uv, ko huámášim et toh láá iästâm Suoma Sámi Nuorat –tili, Laiti muštâl.

Yle Säämi irâttij finniđ Miss Helsinki –kištoi uárnejeijeid kommentistiđ ääši. Miss Helsinki –orgaan tooimâjođetteijee Rosanna Kulju muštâlij, et iä haalijd adeliđ innig kommentijd median.

Varrasamosat: Säämi

Váldoođđasat

Varrasamosat

Muualla Yle.fi:ssä