Sápmi |

Mo geavvá Eanodaga girdigieddái? – Eanodaga gielda ráđđádallá otne ođđa evttohusas girdigietti boahttevuođa ektui

Eanodaga gielda evttohii vuossárgga Finaviai, ahte gielda barggašii girdigietti divvunbargguid stáhta lasseruhtademiin.

Enontekiö-Kautokeinon lentoasema Enontekiön Hetassa
Otne duorastaga Eanodaga gielda ráđđádallá Finaviain sihke bargo- ja ealáhusministeriijain. Govva: Pia Tuukkanen / Yle

Eanodaga gielda háliida divvut Eanodaga girdigietti. Otne duorastaga Eanodaga gielda ráđđádallá Finaviain sihke bargo- ja ealáhusministeriijain gieldda ođđa evttohusas.

Gielda evttohii vuossárgga girdigieddefitnodat Finaviai, ahte gielda dahká girdigiettis dán gease vealtemeahttun divodemiid, vai dan sáhtášii doallat rabas boahtte dálvvi. Loahpaid divodemiid gielda dagašii boahtte jagi.

Gielda árvala ahte dán geasi gietti divvumii geavahivčče sullii 800 000 euro ja boahtte geasi 4,2 miljovnna euro. Gielda bivddii Finavias veahki dárbbašlaš agoartagilvvu ordnema dihte ja Finavia lohpidii čielggadit ášši lagaš beivviid áigge.

Gielda sávva, ahte Finavia doalašii gietti rabas

Finavia muitalii mannan vahku duorastaga, ahte dat ii jáhkkimis raba Eanodaga girdigietti dán dálvái. Finavia mielde girdigeaidnu ja terminálabálvalusat eai leat doarvái buori ortnegis gávppálaš girdijohtolahkii. Sesoŋŋalunddot chartergirdit eai dáhkit girdigieddái doarvái mátkkošteddjiid investeremiid dahkamii, muitalit Finavias.

Gieldda sávaldat goittotge lea, ahte Finavia doalašii gietti rabas vel boahtte dálvvi, vai gietti oamasteaddji molsumii oaččoše lasseáiggi. Eanodaga gielddahoavda Jari Rantapelkonen muitalage ahte sii ledje huksen jo málle dasa mo girdigietti sirdojuvvošii ođđa doaibmái, guhte ovddidivčče doaimma.

Finavia mielde girdigietti divvun mávssášii 15 miljovnna euro. Stáhta lea várren lassibušeahtas girdigietti divvumii 5 miljovnna euro.

Varrasamosat: Sápmi

Váldoođđasat

Varrasamosat

Muualla Yle.fi:ssä