Sápmi |

Ná vuvdet ja ostet dál luopmániid – kilohaddi birrasiid logi euro sihke fitnodagain ja sosiála medias

Murjjiid vuvdet dál olu sosiála medias ja dan várás leat vuođđudan Facebook-joavkku. Nu joavkkus go fitnodagainge oastinhaddi lea luopmániidda sullii logi euro.

Hilloja suolla Tervolassa
Davvi-Suomas luomešaddu orru leamen dán jagi oalle buorre. Luopmána lieđđun ja gavjen lihkostuvai earenoamáš bures, ja bures lea mannan dan maŋŋáge. Govva: Antti Ullakko / Yle

Mannan vahku duorastatija roavenjárgalaš Johanna Jyrkkä mearridii vuođđudit Facebook-joavkku murjjiid vuovdimii. Su guoimmis ledje hástalusat luopmániid vuovdimis, nuba Jyrkkä háliidii dahkat áššái juoidá.

Vuosttaš jandora áigge Jyrkkä čuovui joavkku beaggima gealdagasas. Dohko serve dalle juobe badjel duhát olbmo ja mearri lea olles áigge lassánan. Jyrkkä oaidná, ahte jovkui lei duođalaš dárbu.

– Dál galgáge smiehttat, ahte dárbbašago dohko čállit rávvagiid. Dárkkuhus livčče goittotge dušše oastit ja vuovdit murjjiid, son lohká.

Luopmániid lassin joavkkus sáhttá vuovdit earáge murjjiid, degomat sarridiid ja vaikko eanamurjjiid. Joavkkus luopmániid haddi molsašuddá, muhto lea sullii 10–12 euro kilos.

Suomas murjjiid vuovdimis ii dárbbaš máksit vearu, jus daid ii čogge bargun. Vearrohálddahus muittuha, ahte jus murjjiid čoggemis fidne bálkká, galgá fas vearuid máksit.

Mannan vahku duorastatija roavenjárgalaš Johanna Jyrkkä mearridii vuođđudit Facebook-joavkku murjjiid vuovdimii. Su guoimmis ledje hástalusat luopmániid vuovdimis, nuba Jyrkkä háliidii dahkat áššái juoidá. Vuosttaš jandora áigge Jyrkkä čuovui joavkku beaggima gealdagasas. Dohko serve dalle juobe badjel 1 000 olbmo ja mearri lea olles áigge lassánan. Jyrkkä oaidná, ahte jovkui lei duođalaš dárbu. Doaimmaheaddjin Anja Kaarret.

Fitnodagainge haddi lea birrasiid logi euro

Yle Sápmi jearai moadde fitnodagas, ostetgo sii luopmániid ja jus nu dahket, de man haddái. Jođánis gažadanriŋgedallamis bođii ovdán, ahte fitnodagat gal ostet luopmániid ja haddi lea logi euro birrasis.

Loga maid: Eanodagas jeakkit fiskadin luopmániin, Anáris dat eai leat vel nu olu láddan – Maarit Magga: Nu buorre luomejahki, ahte soaitá fertet váldit luomu

Tervolassa on hillaa, Saija Ileyn sankko täyttyi alle tunnissa
Fitnodagat goittot Suoločielggis ja Soađegilis ostet murjjiid. Govva: Antti Ullakko / Yle

Fitnodatdoalli Maritta Autio Soađegilis lohká, ahte sin haddi leamašan 9–10 euro. Haddi molsašuddá sin fitnodagas beaivvi mielde.

Suoločielggis fitnodateaiggát Antero Ylävaara fas muitala, ahte sii ostet moaddeduhát kilo luopmániid nappo nu olu, go márkanat fal diktet dan bargat. Sii leat máksán kilos 10,50 euro. Su mielde orru, ahte jearaldat ii goittotge leat nu stuoris, maid sáhtášii vuordit.

Eanodagas Matias Telliskivi Heahttálaš gáfestallanbáikkis čilge, ahte sii ostet luopmániid logi euro kilohattiin ovtta sin bargi áhkus. Dat luopmánat mannet gáfestallanbáikki iežas geavahussii, eaige sii vuovdde daid dasto ovddosguvlui.

Varrasamosat: Sápmi

Váldoođđasat

Varrasamosat

Muualla Yle.fi:ssä