Sápmi

Ná Yle Sápmi buvttada spiehkastatáigge: eanaš gáiddusin, muhtimin juobe gokčasa vuolde

Kollaasi
Govva: Yle Sápmi

Yle Sámi doaimmahus maiddái ferte geavahit dál iešguđetlágan vugiid eastadandihte koronavirusa leavvamis.

Yle Sámi bargun lea buvttadit golmma sámegillii radiosáddagiid, tv-ođđasiid, mánáidprográmmaid ja vel čállit neahttaođđasiid.

Dálá dilis misge gáibiduvvojit iešguđetlágan vuogit, mo easttadit koronavirusa njoammuma, ja plánat dasa, mo de jus geasanu mis njoamošii koronavirus.

Anja Kaarret juontaa yhteispohjoismaista radiolähetystä.
Anja Kaarret lea maŋimuš beivviid lágidan nu Yle Sámi Iđida, davviriikalaš Buorre Iđit Sápmi -radiosáddaga ja vel veaigin Dearvva-sáddaga. Govva: Anneli Lappalainen / Yle

Juohke iđit mii čoahkkanat virtuálačoahkkimii, smiehttat beaivvi sisdoaluid ja juohkit bargguid. Álot dat ii leat nu oktageardán go oassi misge gullá riskajovkui, eaige sii sáhte johtit olbmuid siste.

Kaisa Aikio lohká radioi ođđasiid báddái Ohcejogas, ruovttustis. Gokčasa vuolde go bádde, de jietna ii skája.

Kaisa Aikio käyttää luovia ratkaisuja radiouutisissa.
Kaisa Aikio käyttää luovia ratkaisuja radiouutisissa.
Kaisa Aikio geavaha hutkás vuogi báddedettiin ođđasiid radiosáddagii.

TV-bargiguovttos Linnea Rasmus ja Vesa Toppari leaba hurgán guovttá duoppil dáppil Sámis.

Dán vahkus Yle ođđasat eai leat lágiduvvon Anára studios, dat leat dahkkon konkrehtalaččat olgun. Dahkat maiddái jearahallamiid tv-ođđasiid várás olgun álot go vejolaš. Eat buorástahte gieđas ja figgat doallat doarvái guhkes gaskka olbmuide, geaid jearahallat. Dainna bargovugiin suodjalit iežamet ja olbmuid koronavirusis.

Linnea Rasmus toimittaa Yle Ođđasat -lähetystä.
Yle Ođđasiid leat dán dilis doaimmahan eanaš olgun. Ii oro hehttemin Linnea Rasmusa goit beaivvadahkan. Šlahtis ii varra livčče seamma somá. Govva: Vesa Toppari / Yle

Dál go gáiddusbargit leat lassánan sakka, eai misge álo oktavuođat doaimma nu mo galggaše. Jus eat fidne govvejuvvon materiálaid neahttaoktavuođaid bokte ovddosguvlui Yle Ođđasiid bagadallái, de ferte tv-kámera muitokoartta gahčahit poastakássii vai bagadalli beassá čohkkegoahtit sáddaga.

Poastakássas dan viežžala mediadoaimmaheaddji Anneli Lappalainen, guhte čohkke sáddaga dál nu jaskes doaimmahusas. Dábálaččat doppe lea ruodja ja jietna go olbmot barget bargguideaset ja háleštit sisdoaluid birra. Dán dilis goittotge doaimmahusas leat dušše moadde olbmo iige dárbbaš geange bivdit orrut jaska dan botta, go tv-sáddaga govvejit.

Anneli Lappalainen kokoaa Yle Ođđasat -lähetystä.
Anneli Lappalainen čohkke Yle ođđasat -sáddaga. Juohke iđit son oažžu materiálaid, juogo poastakássii dahje neahta bokte njuolgga dihtorii. Dál son ii beasa ovttas lágideaddjin čohkket sáddaga, go lágideaddji lea juogo olgun dahje ruovttus. Govva: Anja Kaarret / Yle

Neahttabargit barget ruovttus ja čállet doppe ságaid nehttii ja dahket maiddái telefonjearahallamiid rádiosáddagiidda. Otná beaivvi rusttegiiguin lea álki bargat ruovttus go ovdamearkan jearahallamiid sáhttá báddet iežas dihtorii ja ii leat eará go čálligoahtit.

Okto ruovttus bargamis leat goit muhtun hástalusat teknihkalaš čovdosat leatge buorit.

Buohkain eai leat ruovttus beavddit, maid sáhttá luoitit ja loktet heivvolaš allodahkii.

Työergonomia ei ole paras mahdollinen.
Bargoergonomiija ii leat nu buorre muhtumiin. Leago Kaija Länsmana valáštallanspábbii viimmatge duođalaš átnu vai livččego vuohkkasut bargat gievkkana beavdeguoras? Govva: Kaija Länsman / Yle

Ruovttus sáhttá leat maiddái oktonas dovdu, jus ii leat hárjánan bargat gáiddusin. Ruovttus ii leat oktage bargoskibir, geas jearralit vaikkoba muhtun sáni sámegillii.

Sátnegirji lea dárbbašlaš, muhto maiddái vuogas dihtora sáhpána vuložin?

Sara Wesslin työpiste
Doaimmaheaddji Sara Wesslin lea bidjan girjjiid beavddi ala, vai sáhttá čuožžut barggadettiin. Govva: Sara Wesslin / Yle

Mii eat bargga dušše Sámis, okta mis, namalassii Linda Tammela bargá gáiddusin máddin. Su stohpoaskkis eai oidno goit skálvvit dego davvin.

parveke, linda tammela
Yle Sámi Mátta-Suoma doaimmaheaddji Linda Tammela kantuvrras beaivváš goardá. Govva: Linda Tammela / Yle

Go eanaš oassi mis gearddi bargá ruovttus, de ii leat oktage bargoskibir geainna gáfestallat. Dasa leat maid váldán gáiddusbargoneavvuid atnui. Oktii beaivvis mii čoahkkanat virtuálagáfestallamii Google Hangouts -čoahkkimii. Doppe ii leat lohpi geažidit sániinge koronavirusa guvlui.

Virtuálagáffebottus oažžu beare šloambbistit ja gurret oaivvi.

Dávjá mii háliidatge diehtit, maid bargoskihpárat leat dan beaivvi borran. Viehka dávjá mii gullat, ahte mediadoaimmaheaddji Vesa Toppari lea gazzan heartamáli.

gáffeboddu, yle sápmi
Dákkár lea Yle Sámi virtuálagáffeboddu. Govva: Yle Sápmi

Jus mat geavvá nu, ahte mis giinu buohccá, de min sáddagat eai nogaše dasa. Das fuolaha min teknihkálašbuvttadeaddji Pekka Aikio, geas leat čovdosat vaikko guđelágan dillái.

Son ieš bargá dál suollemas sajis ja ordne midjiide buoremus vejolaš bargoreaidduid dán dilis.

Tekninen tuottaja Pekka Aikio varmistaa, että yhteydet toimivat ja lähetykset tulevat ulos, poikkeusoloissakin.
Jus okta teknihkalaš čoavddus ii doaimma, Pekka Aikio sihkkarit hutká golbma ođđa sadjái. Son sihkkarastá, ahte mii bastit bálvalit álbmoga ja fállat sisdoaluid, vaikko máilmmis leage dál spiehkastatdilli. Govva: Yle Sápmi

Varrasamosat

Muualla Yle.fi:ssä