Sápmi |

Niillas Holmberg oahpaha suopmelaččaide sámegiela Yle neahttasiiddus

Yle neahttasiidduin álgá ođđa Sano se saameksi -interneahttadokumeanta, mas Niillas Holmberg oahpaha suopmelaččaide davvisámegiela.

Jietna: Katri Koivula
Jietna
Jietna: Katri Koivula jearahallan. Heli Huovinen / Yle

Yle neahttasiidduin álgá Yle Dokumenttiryhmä ođđa interneahttadokumeanta, mas Niillas Holmberg oahpaha sámegiela.

Sano se saameksi (Daja dan sámegillii) -neahttasiiddus beassá oahpasmuvvat davvisámegillii, anáraš- ja nuortalašgillii.

Bargojovkui gullet Katri Koivula, Samuli Kaipiainen, Niillas Holmberg ja Mikko Leino.

– Dan lassin, ahte geahčči beassá oahpasmuvvat gielaide ja daid hálliide, sáhttá dáiddaduoji vehkiin maid oahpahallat davvisámegiela. Prošeavttas lea mielde davvisámegiel olmmoš ja dan dihtii prošektii laktaseaddji interaktiivalaš sátnegirji buvttaduvvo davvisámegillii. Jos heivvolaš dahkkit gávdnojit, nu almmustahttima maŋŋá mii sáhttit jorgalit sátnegirjji maid anáraš- ja nuortalašgillii, Koivula muitala.

Buohkat sáhttet oassálastit sátnegirjji buvttadeapmái ja evttohit sániid sosiálamedia bokte fáddágilkoriin #sanosesaameksi.

Prošeavtta ulbmilin lea lasihit davvisámegiela gulloma sámeguovllu olggobealde ja buoridit davvisámegiela sajádaga.

Varrasamosat: Sápmi

Váldoođđasat

Bivnnuhamosat

Varrasamosat

Muualla Yle.fi:ssä