Sää´mjânnam |

Njauddâm nuõrttsäʹmmlai Äʹvv-muʹzeeja ooʒʒât jååʹđteei

Taarr Njauddmest leʹddi muʹzeei ääʹveeš ǩeässa 2017.

Neidenin kolttamuseon avajaiset 16.6.2017.
18 eeʹjj vuârddmõõžž mâŋŋa Äʹvv-muʹzei ääʹveeš 2017. Govva: Ville-Riiko Fofonoff / Yle

Nuõrttsääʹm muʹzei Äʹvv ååcc ođđ jååʹđteei Njauddma, Saujj-Vaʹrjjel kådda. Jååʹđteei tuâjj lij põõšši da suu tuõjju koʹlle čuäʹjtõõzz vaaldšem, plaaneem da markknâʹsttem. Tõn lââʹssen tuõjju koʹlle še muʹzeei tuâjjlai da ekonomia vaaldšem.

Äʹvv-muʹzeei täävtõssân lij dokumentâʹstted, tuʹtǩǩeed da liâvted säʹmmlai historia. Nuõrttsäʹmmla jälste Lääʹddjânnam, Taarr da Ruõššjânnam raaji seʹst. Muʹzeei tuõjju kollai še nuõrttsäʹmmlai kulttuur da identiteeʹtt nâânummuš.

Äʹvv lij vueʹss Teäʹn da Vaʹrjjel muʹzeifoond.

Jååʹđteeʹjest vueʹrdet muʹzeituõjju õhttõõvvi maister- leʹbe dåhttartuʹtǩǩõõzz arkeologiast, museologiast, historiast leʹbe alggmeerai tuʹtǩǩummšest leʹbe sosiologiast. Jååʹđteei feʹrttai še tieʹtted puârast sääʹmǩiõl da -kulttuur. Suʹst vueʹrdet še šiõǥǥ ekonomiasilttõõzz da što tåbdd muʹzeituâj.

Jååʹđteei feʹrttai mainsted taarr- leʹbe ruõccǩiõl. Jeeʹres ǩiõllsilttõõzz ǩiõččât pueʹrren.

Tuâjj älgg nuʹtt jåttlânji, ko lij vueiʹtlvaž. Ooccâmäiʹǧǧ tuõjju lij 25.1.2020 räjja. Ooccmõõžž õõutâst CV:in da jeeʹres mieʹlddõõzzivuiʹm feʹrttai vuõltteed post@dvmv.no.

Varrasamosat: Sää´mjânnam

Váldoođđasat

Varrasamosat

Muualla Yle.fi:ssä