Sápmi |

Njuorggáma geavahančázi ávžžuhit ain vuoššat: čáhcái leat beassan bakterat

Njuorggáma čáziváldinbáikki áigot divodit dasgo báikki ráhkkanusat leat heittogat.

Nuorgam, kaamos
Njuorggáma gilli jagis 2019. Govva: Inger-Elle Suoninen / Yle

Njuorggámis ávžžuhit ain vuoššat juhkan- ja geavahančázi. Mannan maŋŋebárgga váldon čájánasas gávdne E. coli -baktera.

Inarin Lapin Vesi -čáhcefitnodat váldá ihttin maŋŋebárgga ođđa čájánasa čázis. Čájánasa boađus čielga loahppavahkus. Vuoššanávžžuhus lea fámus dassážii go čájánasa boađus lea buhtis.

Inarin Lapin Vesi -fitnodaga jođiheaddji Paulus Lepistö muitala, ahte čáhcái leat beassan bakterat bajit čáhcelihti bokte, go suddan čáhci lea golgan ráhkkanusaid čađa lihttái. Fitnodat lea dál ráđđádallamin ođđa lihti oažžumis.

Paulus Lepistö muitala, ahte Njuorggáma čáhceváldinbáiki obalohkái lea heajos ortnegis.

– Njuorggáma čázi váldinbáikki ráhkkanusat leat sakka boarásmuvvan ja dain leat sanerendárbbut. Mii leat dál plánemin dan ja doppe finai konsultta moadde vahku dassái geahččamin báikki, čilge Lepistö.

Varrasamosat: Sápmi

Váldoođđasat

Varrasamosat

Muualla Yle.fi:ssä