Sápmi

Njuvččat jovde, urbeoaivvige sáhttá juo oaidnit Sámis – geahča govaid giđa mearkkain

laulujoutsen
Kiäptuvei Anáris geasuha árralottiid ja doppe lea buorre čuovvut giđa ovdáneami. Dát njukčabárra ii olus beroštan govvejeaddjiin, Anár 8.4.2020. Govva: Vesa Toppari / Yle

Dása leat čohkken govaid ja muitalusaid das, mo giđđa ovdána iešguđet guovlluin.

Suttiid viidun guoikkain ja bogiin lea okta čielgasamos mearka das, ahte giđđa lea boahtimin.

Govat lullelis dahjege máddelabbos čájehit áibbas earálágan loddebáikkiid.

laulujoutsenia ja metsähanhiaa pellolla
Ubmisámis Västerbottenis oaidná bievlagittiid ja dain valjis njuvččaid ja čuotnjágiid, Ubmi 8.4.2020 Govva: Duomma Sarri

Mátta-Suomas leamaš muohtahis ja liehmus dálvi. Dat mearkkašii, ahte bárbmolottit maid bohte mealgat árat go gaskamearálaččat.

Maisema Lupinlahden lintutornista Haminasta.
Muohtahis eana ja suttes čázit Mátta-Suomas, Hamina 30.3.2020 Govva: Antro Valo / Yle

Lottit johtalit, ealliin lea gieibmeáigi, urbeoaivvige sáhttá juo oaidnit Sámis. Ja go oalle dárkket geahččá, de muohttagis lávkot juo máŋggasorttat divrritge.

Guosttaheavnnis leat sápmelaččat oaidnán dálkediidda.

Jus guosttaheavnnit mannet davás de giđđageasiluvvá árrat, jus nuorttas mannet de bistá dálvi.

– Dološ diida

hämähäkki lumella
Guosttaheavdni, juovvaheavdnešládja (Gnaphosidae) Govva: Aune Veersalu

Muohttagis gávdná dál juo máŋggalágan divrriid. Ollugiidda gárgolaččat leat oahppásat, daid ohcet maiddái cizážat ja stuorátge lottit sudderavddain.

lumikorento lumella
Guosttaskážas (Boreus westwoodi), Ohcejohka 8.4.2020 Govva: Dávvet Aikio

Muohttaga ala boltasit maiddái lahppát, skáhčasat ja čurrohat.

riippuhämähäkkilaji lumella
Heaŋgoheavdnešládja (Linyphiidae), Ohcejohka 8.4.2020 Govva: Dávvet Aikio

Goittot Anáris lea vel skilleduorastaga váttis gávdnat sieđgga, mas šealgájit juo uvnnut. Eanaš lastamuorat orrot leamen ain dálvehámis.

pajunkissoja pajupensaassa
Dát sieđga lea čuvges báikkis, beaivvadagas juo duddjogoahtán uvnnuid, Anár 9.4.2020. Govva: Jouni Aikio / Yle

Guovža maid eallá dan mielde makkár lea dálki. Máddin liegga dálvi hehttii guovžžaid dálvenahkáriid, nu goittot ealligárddis. Korkeasaari guovžžat ođđe dušše guovtti mánu dálvenahkáriid ja morihedje guovvamánu beallemuttus.

Sámi luonddus maid vuosttas guovžžat leat morihan, nu goittot Jämtlánddas, muitala SVT/Sameradion.

Varrasamosat

Muualla Yle.fi:ssä