Sápmi |

Norgga boles válddii álgoálbmotpolitihkara giddagassii Ruošša bivdagis

Ruošša riikkavuloš lea váldojuvvon giddagassii Romssas duorastaga, go Ruošša boles lea gáibidan giddet ja luobahit su, duođasta Thomas Rye-Holmboe Norgga bolesis BarentsObserverii. Raipona ovddeš várreságadoalli Dmitry Berezhkov giddejuvvui, go son lei máhcamin álgoálbmotkonferánssas Álttás.

Dmitri Berezhkov
Dmitry Berezhkov lea ovddeš Ruoššá álgoálbmogiid organisašuvnna Raipona várreságadoalli. Govva: Thomas Nilsen / BarentsObserver

Norgga boles lea váldán giddagassii Ruoššá álgoálbmotpolitihkar Dmitry Berezhkov, muitala BarentsObserver -neahttabláđdi. Berezhkov giddejuvvui, go son lei máhcamin máilmmi álgoálbmogiid ráhkkanankonferánssas Álttás.

- Ruošša riikkavuloš lea váldojuvvon giddagassii Romssas duorastaga. Ruošša boles lea gáibidan giddet ja luobahit su, duođasta Thomas Rye-Holmboe Norgga bolesis BarentsObserverii.

"Berezhkov ii leat sáhttán máhcat Ruššii politihkalaš sivaid dihte"

Dmitry Berezhkov lea Ruoššá álgoálbmogiid organisašuvnna Raipona ovddeš várreságadoalli. Son lea studeren maŋimuš áiggiid Romssa universitehtas.

- Mii eat sáhte kommenteret ášši viidaseabbot, Thomas Rye-Holmboe dadjá BarentsObserverii.

BarentsObservera mielde Berezhkov ii leat sáhttán máhcat Ruššii politihkalaš sivaid dihte.

"Dát lea signála buohkaide midjiide, ahte mii galgat leat gozuid alde"

Sámepolitihkar Aili Keskitalo lea hirpmástuvvan.

- Dát lea signála buohkaide midjiide, ahte mii galgat leat gozuid alde. Mun in váidalahtti jáhke, ahte Dmitry oažžu vuoiggalaš riektegeavvama Ruoššás, Keskitalo dadjá BarentsObserverii.

Loga lasi BarentsObserveras ja NRK Sámi neahttasiidduin.

Varrasamosat: Sápmi

Váldoođđasat

Varrasamosat

Muualla Yle.fi:ssä