Sápmi |

Norgga Sámedikki lea addán cealkámuša Norgga Duohtavuođa- ja seanadankommišuvnna mandáhtii

Sámedikki evttoha kommišuvnna namman Duohtavuođa- ja seanadankommišuvdna. Prosessii maid evttohuvvo 4 jagi áigerámma.

Norgga Sámedikki dievasčoahkkin juovlamánus 2017.
Norgga Sámedikki dievasčoahkkin juovlamánus 2017. Govva: Åse M. P. Pulk/ Norgga Sámediggi

Norgga Sámedikkis lei odne badjelmearálaš dievasčoahkkin. Dievasčoahkkimis gieđahalle Sámedikki cealkámuša Duohtavuođa- ja seanadankommišuvnna mandáhtii. Olles sámegielat cealkámuša oainnat dáppe.

Cealkámuš doallá sisttis Sámedikki evttohusa kommišuvnna namman, rámmaeavttuin, metodas, kommišuvnna fáttain ja vel loahpahanmearkkašumiid.

Cealkámuša álggus dadjo ahte Sámediggi doarju dákkár kommišuvnna ásaheami. Kommišuvdna galgá guorahallat assimilerema ja boasttuvuođa mii lea dahkkon sámiid ja kvenaid vuostá Norggas.

Prosessii galgá addojuvvot doarvái áigi ja resurssat

Norgga Sámedikki evttoha kommišuvnna namman Duohtavuođa- ja seanadankommišuvdna. Cealkámušaš daddjo, ahte Sámedikki ii oainne makkárge siva dasa, ahte dát proseassa galgá namuhuvvot earáláganin, go proseassat mat leat juo čađahuvvon eará guovlluin máilmmis.

Prosessii galgá addojuvvot doarvái áigi ja resurssat, oaivvilda Sámdikki. Sii evttohitge prosessii 4 jagi áigerámma. Sámedikki goittotge eaktuda, ahte kommišuvdna oažžu vejolašvuođa muddet áigerámma, jus dasa lea dárbu.

Sámedikki buktá cealkámusaš ovdan luohttámuša. Sii oaivvildit ahte deaivvademiide galget leat oadjebas rámmat ja luohttámuš olbmuiguin. Maiddai Sámi giella ja kulturgelbbolašvuohta dárbbašuvvo, go deaivvadit sámi álbmogiin ja informánttaiguin.

Cealkámušas daddjo, ahte Sámedikki atná mearrádusa kommišuvnna ásaheamis almmolaš dovddasteapmin das, ahte ain dárbbašuvvojit doaibmabijut buhtadit stáhta assimilerenpolitihkka váikkuhusaid. Norgga Sámedikki vuordáge ahte Norgga Stuorradiggi bidjá dan vuođđun kommišuvnna ásaheamis.

Varrasamosat: Sápmi

Váldoođđasat

Bivnnuhamosat

Varrasamosat

Muualla Yle.fi:ssä