Sápmi |

Norgga stáhta guoddala Sara boazolohkoášši

Norgga eanandoallo- ja biebmodepartameanta guoddala Sis-Finnmárkku diggegotti duomu Jovsset Ánte Sara boazolohkoáššis. Sara ášševuoddji máhtii vuordit, ahte áššis geavvá ná.

Jovsset Ánte Sara
Govva: Nils Henrik Måsø

Norgga stáhta guoddala nuorra guovdageaidnolaš badjeolmmoš Jovsset Ánte Sara boazolohkoduomu.

Gažaldagas lea Sis-Finmárkku diggegotti duopmu, man sii adde njukčamánu loahpas.

Diggegoddi mearridii ovttajienalaččat, ahte stáhta ii sáhte gáibidit Sara geahpedit boazologu dušše 75 heggii, daningo dainna boazologuin lea veadjemeahttun birget.

Jovsset Ánte Sara ášševuoddji Trond P. Biti ii lean hirpmástuvvan stáhta mearrádusas guoddalit boazolohkoášši.

Son dadjá, ahte guoddaleapmi lei vuordimis, go geahččá maid Norgga stáhta lea guhkit áigge badjel čuoččuhan.

Varrasamosat: Sápmi

Váldoođđasat

Varrasamosat