Sápmi |

Norggas leat gávnnahan CWD-dávdda ođđa guovllus – ealli bohccuid fievrredangielddus Norgga ja EU gaskka soaitá ain joatkašuvvat

Eurohpa uniovdna mearrida fievrredangildosis vel dán jagi áigge.

hardanger peurat
Hardangerduoddara guovllus ellet birrasiid 10 000 gotti. Govva: Svein Hjelmeset

Norggas mannan vahkus gávnnahuvvon CWD-dávda dahje oaivevuorredáhpáhus sáhttá váikkuhit dasa, oažžugo boahtte jagi fievrridit ealli bohccuid Norgga ja EU gaskka.

Borramušbearráigeahččolágádusa bajitdárkkisteaddji Hanna Kuukka-Anttila dadjá, ahte EU mearrida áššis fas loahppajagis. Dálá dilis njoammudávddaid leavvanáitaga dihtii ealli bohccuid fievrrideapmi riikkas nubbái lea gildojuvvon dán jagi lohppii.

NRK muitalii mannan vahkkus, ahte oaivevuorri leat gávnnahan ođđa guovllus Oarje-Norggas, Hardangenduoddaris. Hardangera guovllus eallá measta bealli olles Norgga goddenális.

Norgga eanandoalloministtar Olaug Bollestad govvida dili hui duođalažžan.

Dán rádjái oaivevuorri lei gávnnahuvvon dušše Nordfjell guovllus. Nordfjellas leat maŋemuš jagiid goddán badjelaš 2 000 gotti, amas dávda beassat leavvat eará guovlluide ja elliide.

CWD-dávda ii leat gávdnon bohccos

CWD-dávda dahje oaivevuorri beakkehii jagis 2016 Mátta-Norgga gottiin. Dan balle njoammut maiddái bohccuide ja danne Eurohpá kommišuvdna giddii riikkarájáid maiddái heargegilvvohalliin. Dávdda eai leat goit dán rádjái gávdnan ovttage bohccos.

Norgga bealde oaivevuorri lea gávdnon váile 30 gottis ja muhtin ealggain. Ruoŧa ja Suoma bealde dávdda leat gávdnan dušše boares ealggain. Suomas Kuhmos gávdne guokte jagi dassái meahccái jápmán 15-jahkásaš ealgga, mas lei oaivevuorri.

Suomas CWD-dávdda dutkagohte dárkileappot jagis 2018. Ulbmilin leamašan dutkat golmma jagis sullii 3 000 ealgaealli. Čájánasaid leat čoaggán ja čogget ain dán jagi lohppii buot bálgosiin. Maiddái biilla vuollái báhcán bohccuid oaivvit dohkkejit dutkama várás. Hanna Kuukka-Anttila sávváge ahte bálgosat doaimmahivčče vel lasi čájánasaid borramušbearráigehččui.

Varrasamosat: Sápmi

Váldoođđasat

Varrasamosat

Muualla Yle.fi:ssä