Sápmi |

NRK Sápmi: Háldi skeŋken Supmii ovdána

Suopma soaitá oažžut Háldi várrečohka 100 jagi iehčanasvuođa skeaŋkan Norggas. Norgga ráđđehusas leat dál árvvoštallamen ášši, muitala NRK Sápmi.

Kalottireitti
Govva: Sara Wesslin / Yle

Suopma soaitá oažžut Háldi várrečohka skeaŋkan Norggas, muitala NRK Sápmi.

Norgga ráđđehusas leat dál árvvoštallamen galgetgo skeŋket Háldi alit várrečohka Supmii. Boahtte jagi Suopma ávvuda 100 jagi iehčanas riikan.

– Áššis leat muhtin formála hástalusat ja in leat vel mearridan man oaivilis lean ieš áššis. Muhto mii leat smiehttamin ášši, dadjá Norgga stáhtaministtar Erna Solberg.

Háldi vuolit čohkka lea Suoma alimus čohkka

Gáivuona gielda evttoha sirdit Norgga riikka rájá 40 mehteriin vuoi olles várri gártá Supmii.

Haltin huippu 1331 mpy on Norjan puolella Kåfjordin kunnassa. Suomen korkein kohta 1324 on Haltin rinteellä rajapyykillä 303B.
Haltin huippu 1331 mpy on Norjan puolella Kåfjordin kunnassa. Suomen korkein kohta 1324 on Haltin rinteellä rajapyykillä 303B. Govva: Raimo Torikka / Yle

Norgga bealde lea Háldi čohkka, mii lea 1 331 mehtera meara bajábealde.

Suoma alimus báiki lea vielttis. Dat lea 1 324 allodagas Suoma ja Norgga rájás nummir 303B.  

Gáivuona gieldda evttohusas muitaluvvui Suomas vuosttas háve dán giđa.

Varrasamosat: Sápmi

Váldoođđasat

Varrasamosat

Muualla Yle.fi:ssä